2024-06-18
HomeEkintza PolitikoaIgor Arroyo: "Lan erreforma ez omen da hain historikoa arazoek mahai gainean...

Igor Arroyo: “Lan erreforma ez omen da hain historikoa arazoek mahai gainean jarraitzen dutenean”

Igor Arroyo koordinatzaile orokorra elkarrizketatu dute Radio Euskadin, “Boulevard saioan”, aktualitateko gaiak ardatz. Langabeziaren datuak iritsi dira gaur, eta, horri buruz galdetuta, datuak datu, oso egoera larrian gaudela nabarmendu du. Inposatutako lanaldi partzialak, soldata arrakala, kontratazio mugagabe eskasa eta lan baldintzen prekarizazioa nagusi direla salatu du. “Lan erreforma ez omen da hain historikoa arazoek mahai gainean jarraitzen dutenean”, adierazi du.

Igor Arroyoren hitzetan, “politika orokorreko eztabaidan, Urkulluk zioen ekaitza datorrela, baina hau ez da fenomeno meteorologiko bat, erabaki politikoen ondoria baizik”.

Bizkaiko metalgintzako lan gatazkari buruz galdetuta, azpimarratu du langileen aldarriak oso oinarrizkoak direla; eros-ahalmena bermatzea, besteak beste. “Ez dugu soldata galera gehiago onartuko”, esan du. Beste aldarri batzuk ere defendatzen ditugula jakinarazi du: azpikontratatutako langileen enplegua bermatzea eta emakumeekiko soldata arrakalarekin amaitzea, besteak beste. Egunotako hiru greba egun arrakastatsuen ondoren, pilota FVEM patronalaren teilatuan dagoela aipatu du: “Bere jarrera aldatu ezean, mobilizazio fase berri bati helduko diogu”.

AZKEN ALBISTEAK | ÚLTIMAS NOTICIAS

Nafarroako etxebizitzen alokairuari buruzko datuek erakusten dute premiazkoa dela gaia legez arautzea eta parke publikoa zabaltzeko konpromiso handiagoa hartzea

Iragan ortziralean Nafarroako Estatistika Institutuak Etxebizitza alokatzeari buruzko estatistika argitaratu zuen. LAB sindikatuaren iritziz, ikerketa horrek berresten du merkatuak ez duela alokairuaren prezioa behar bezala erregulatzen eta premiazkoa dela lege eta administrazio neurriak hartzea. Azterlan horren arabera, alokairuaren hileko batez bertzeko prezioa 541,6 eurokoa da, baina azterketak berak onartzen du datu horrek ez duela islatzen alokairuko etxebizitza bat eskuratzeko prezio erreala, etxebizitza librearen prezioa askoz ere garestiagoa baita.

Gernikako Ospitalean erizainen eta erizaintzako laguntzaileak falta direla eta egoera kritikoa dela salatu dugu

Larrialdietako paziente kritikoei arreta ematean, triajean eta boxetan dauden pazienteen segurtasuna arriskuan jartzen da.

Eskola garraioaren hitzarmena desblokea dezatela exijitzeko mobilizazioa egin dugu

Kolektibitateen sektoreko patronalaren enpresetako bat den Eulenen aurrean izan da elkarretaratzea, Eusko Jaurlaritzako Hezkuntza Sailaren mendeko ikastetxeetako eskola-garraioko eta jolastokiko zaintzaileen hitzarmen kolektiboaren negoziazioaren blokeoa salatzeko.