2026-11-16
HomeEkintza SindikalaIdoia Mendia Eusko Jaurlaritzako Lan eta Enplegu sailburu berriarekin bilduko gara

Idoia Mendia Eusko Jaurlaritzako Lan eta Enplegu sailburu berriarekin bilduko gara

LABek Eusko Jaurlaritzako Lan eta Enplegu Sailarekin biltzeko eskaera jaso du, Idoia Mendia sailburuak bidalita. LABek sailburu berriarekin egingo duen lehen bilerara joateko asmoa duela adierazi nahi du. Oraindik datarik ez duen bilera honetan, sindikatuak Lan eta Enplegu arloan dituen lehentasunak azalduko ditu, zehazki. Era berean, fiskalitatearen eta sektore publikoaren alorrean sindikatuak egindako proposamenak azalduko ditugu.

LABek argi utzi nahi du zerga-politikaz hitz egitea ezinbestekoa dela, aurrekontuetan murrizketa berririk egon ez dadin, Osasungintza eta Hezkuntza arloetan beharrezko inbertsioak egin daitezen edo ugaritzen ari diren behar sozialei erantzun egokia eman ahal izateko. Politika fiskal berri bat behar da, diru gehiago eta modu progresiboagoan bilduko duena, gehien dutenei ahalegin fiskal handiagoa eskatuz.

Era berean, Gobernuarekiko harremanak izan beharko lituzkeen baldintzak azpimarratu nahi genituzke. Gure baldintzen artean, LABen diagnostikoak eta proposamenak helaraztearekin batera, Eusko Jaurlaritzak sindikatuekin zer-nolako harremanak izan nahi dituen eta gure zeregina nola ulertzen duen jakin nahi dugu; hau da, proposamenak egiteko eta eztabaidatzeko benetako aukerarik izango dugun ala ez, eta gehiengo sindikala errespetatuko duen ala ez.

Argitu nahi dugu, halaber, Madrilekiko erabateko mendekotasuna duen elkarrizketa-eredu bat eskaintzen duen edo ez, Lan Harremanetarako eta Babes Sozialerako Euskal Esparrua eraikitzen joateko, konpromisoa hartzen duen edo ez bere esparruan lor daitezkeen akordioak errespetatzeko, Estatuaren aldetik inolako esku-sartzerik gabe.

Halaber, LABek berretsi nahi du ez duela parte hartuko EAEn gaur egun indarrean dagoen delako elkarrizketa sozialeko mahaian; izan ere, esparru hori hasieratik dago kutsatuta, eta gobernuaren eta patronalaren politikak zuritzea beste helbururik ez du izan.

AZKEN ALBISTEAK | ÚLTIMAS NOTICIAS

Leioako Foru Egoitzako langileak grebara doaz lankide falta eta baldintzen okertzea salatzeko

Azaroaren 16an deitu dute greba; izan ere, zuzendaritzak planteatutako langile-kopurua ez da nahikoa, lan-baldintzak okertu egin dira eta zuzendaritzak ez du zentroaren benetako beharrei erantzungo dien lanpostu-zerrenda negoziatu nahi.

Mobilizazioaren indarrak mugitzera behartu du Osakidetza, baina proposamenak oraindik ez dira nahikoa

LAB, SATSE, ELA, CCOO eta UGT sindikatuok balioetsi dugu urriaren 30eko greban profesionalek emandako erantzun irmoak Mahai Sektorialean posizioak mugitzen hastera behartu duela Osakidetzako...

Nafarroako Industria Foru Lege berriak inbertitzaile pribatuak lehenesten dituela kritikatzen dugu, baina ontzat jotzen ditugu jabetza publikoa, deslokalizazioa eta lanaldiarekiko aurrerapenak

Parlamentuak atzo onartutako Industria Foru Lege berriak inbertsio pribatua erraztera bideratuta dago, pizgarri, sinplifikazio administratibo eta kanpoko inbertitzaileak erakartzera bideratutako bestelako neurrien bidez. Hala...