2024-06-15
HomeEkintza SozialaHelduak eta PentsiodunakHeldu eta Pentsionisten Asanbladak 1.080€ko gutxieneko pentsioak eta sistema propioa aldarrikatu ditu

Heldu eta Pentsionisten Asanbladak 1.080€ko gutxieneko pentsioak eta sistema propioa aldarrikatu ditu

LABek Heldu eta Pentsionisten Arloaren asanlada egin du Altsasun urteko balantzea egiteko, egindako lana baloratzeko eta datorren ikasturterako erronkei buruz eztabaidatzeko. Ainhoa Etxaide Idazkari Nagusiak egungo egoera sozio politiko eta sindikalaren inguruko azalpenak eman ditu, jubilatu eta pentsionisten inplikazioa eskertuz. Sindikatutik egindako lana nabarmendu du, eta modu berezian aurten, enpleguaren mundutik aldenduta egon arren, aldarrikatzeko asko duen kolektibo baten aldarrikapenak kalera atera instituzioetara eramateko egin den lana.

Egindako lanen artetik nabarmenenak, eta oraindik Arloak mahai gainean dituenak, honakoak dira:

– Babes eta Segurantza Sozialeko Sistema Propioaren aldarrikapena, posible egingo duena, Euskal Herrian, erretiratu guztientzat Pentsio Duinak erabakitzea ahalbideratuko diguna. Hilean 1.080 eurotako gutxieneko pentsioak guztientzat.

– Iruñea zein Gasteizko parlamentuetan aurkeztutako Herri Ekimen Legegileak posible egiteko sinadura-bilketarekin jarraitu. Gasteizkoaren kasuan, EAJ, PP, PSE eta UPyDk ibilbide legala eragotzi zuten, hala ere, milaka sinadura jaso da honezkero.

– PPren estatuko gobernuak osasungintza publikoan egindako murrizketek inposatutako osasun-kopagoari aurre egin. Aipatzekoa da Gasteizko gobernuak, EAJren eskutik, ez duela ahaleginik egin pentsiodunei sortzen dien eragina ekiditeko.

Datorren ikasturterako, martxan dauden lan-ildoekin jarraitzearekin batera, pertsona nagusien Menpekotasuna landuko da nagusiki. Horretarako, herrialdeen araberako lan-taldeak sortu dira honezkero.

Asanblada Nazionala eta osteko bazkariarekin, amaitutzat eman dute LABeko Heldu eta Pentsiodunek balorazio, hausnarketa eta pendiente dauden aldarrikapen eta beharrizanekiko konpromisorako eguna. LABek aldarrikapenei bide ematen jarraitzeko konpromisoa erakutsi du.

 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.