Gure izenean ere ez, ez dezatela erraustegiaren proiektuarekin aurrera egin. Arrazoi ugari ditugu errausketaren kontra egoteko:
– Ingurumena. Naturarekiko gure konpromisoa. Errausketa jarduera kutsatzailea da.
– Osasuna. Langileon osasunaren aurka joko du bete-betean. Errauskailutik gertu bizi diren herritarrentzat minbizia izateko aukera biderkatu egingo da, zer esanik ez errauste plantako langileentzat.
– Ez dugu ontzat ematen gutxi batzuren negozio pribatuak eta interes ekonomikoak gehiengo sozialaren eskubideen eta ongizatearen gainetik jartzea.
– Hondakinen produkzioa gutxitu egin behar da: birziklatu, berrerabili. Zabortegi toxikoen aurrean, hondakinei beste trataera bat eman behar zaie. Alternatiba horiek guztiak ere enplegu sortzaile izan daitezke, gainera.
Errauskailuak badauzka alternatiba egingarriak. Aldundiaren esku dago Gipuzkoan abiatu duen inboluzio prozesuarekin amaitu eta herritarrok esateko duguna entzuten hastea. Erraustegiaren proiektua geldiarazi eta hondakinen kudeaketarako egon litezkeen alternatiba ezberdinak aztertzea eskatzen diogu, gaia lantzeko prozesu sozial parte hartzaile bat irekiz, herritarrekin eta eragile ezberdinekin.