2024-02-28
HomeEkintza SindikalaGrebetan gutxieneko zerbitzuak arautzeko Lege Proiektuarekin protesta soziala kriminalizatu nahi dute

Grebetan gutxieneko zerbitzuak arautzeko Lege Proiektuarekin protesta soziala kriminalizatu nahi dute

LABen premiazko lehen balorazioa Espainiako presidente Mariano Raxoik Grebetan gutxieneko zerbitzuak arautzeko Lege Proiektuaren inguruan egin berri dituen adierazpenen aurrean.

Grebetan gutxieneko zerbitzuak arautzeko Lege Proiektuaren iragarpena
PROTESTA SOZIALA KRIMINALIZATU NAHI DUTE

Espainiako presidente Mariano Raxoik egin berri dituen adierazpenen aurrean premiazko lehen balorazio bat egin nahi dugu LAB sindikatutik:

Informazio gutxi eman du oraingoz Gobernuak, eraso berri baten iragarpena. Baina emandako informazio horrekin jada kezkatzeko motiboak baditugu.

Gutxieneko zerbitzuak arautzeko beharraz hitz egiten lehena ez da Raxoi izan. Oso adierazgarria da norabide horretan lehenengo CEOEk hitz egin izana. Eta ondotik, hurrengo egunean bertan Espainiako presidentea atera da eskaera hori bere egiten duela eta gutxieneko zerbitzuak arautzeko lege baten aldekoa dela esanez. Horretan hasiak direla ere baieztatu du.

Beste behin ere garbi ikusten da Gobernua noren zerbitzura dagoen: CEOEk agindu eta Gobernuak bete.

Gure ustez hau ez da beroaldi kontu bat, hemen ez dago inprobisaziorik. Ez da lehen aldia Madrilgo Gobernuaren ahotan dabilena greba eskubidea arautzen duen legea berritzearen beharra. Mehatxu hori beti hor egon da, azken batean zerbitzu minimoak beste modu batean arautzea greba eskubidea erasotzeko beste bide bat baino ez da.

Egun instituzioetatik legea aldatu gabe ere, zerbitzu minimoen gehiegizko erabilpena egiten da eta horrek praktikan milaka eta milaka langile greba eskubiderik gabe uzten ditu. Gainera, ezarritako prozedura ez da batere justua, zerbitzu minimoak inposatzen dizkigute, errekurritu daitezke, behin baino gehiagotan epaitegiek arrazoi ematen digute, baina ordurako berandu da, greba eguna pasata dagoelako.

Urrutirago joan gabe Jaurlaritzaren aurka sartu izan ditugu gehiegizko zerbitzu minimoen kontrako errekurtsoak, baita irabazi ere.

Esan behar da, gainera, hau guztia lotua dagoela Herritarren Segurtasunerako Legearekin. Azken finean norabide berdinean doazen neurriak dira guztiak: protesta sozialaren kriminalizazioa.

Inposatu zaizkigun erreforma desberdinen bidez gure laneko eskubideak eta eskubide sozialak suntsitu dituzte. Gure eskubideen defentsarako tresna garrantzitsua den negoziazio kolektiborako eskubidea ezerezean utzi dute eta orain, gainera, protestatzeko eskubidea ere kendu nahi digute.

Eta gero esango digute demokrazian bizi garela. Egoerak demokratikotik gero eta gutxiago du.
 

LAB sarean
{module[111]}

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.