2024-05-26
HomeEkintza SindikalaGrebara deitu duten Nafarroako eskola-jantokietan ezarritako gutxieneko zerbitzuak salatu ditugu

Grebara deitu duten Nafarroako eskola-jantokietan ezarritako gutxieneko zerbitzuak salatu ditugu

Kontzentrazioa egin dugu Nafarroako Gobernuko Hezkuntza Departamentuaren aurrean. Lanaldi txikiak dituen eta feminizatuta dagoen sektore batean, grebara deitu duten eskola-jantokietan ezarritako gutxieneko zerbitzuak salatu ditugu, zerbitzuak eta lan-baldintzek okerrera egiteko arriskua dagoelako.

Azpimarratu dute, greba dela, askotan bezala, langile guisa duten azken aukera. Azken ordu hauetan babes handia eta kritika gutxi batzuk jaso dituzte, baina badaude. Gaur hirugarren greba eguna da Zizurreko ikastetxeetan eta gaur Patxi Larraintzar eta Bernart Etxepare zentroak gehitu dira.

Jardunaldi jarraituaren prozesuarekin, urteak daramatzate adierazten ikusezinak eta baztertuak direla Nafarroako Gobernuak antolatzen duen prozesu batetik, familien eta irakasleen esku utziz ikastetxeen etorkizuna eta eurena aukeratzea.

Baztertutako jantokietan langileak, ahotsik eta botorik gabe, ikusezinak dira prozesu honetan eta beste hainbatetan. “Eta orain funtsezkoak gara?”, galdetu dute.

Zerbait historikoa eta etorkizunerako ondorioak izan ditzakeena da Gobernuak lehen aldiz ezarri dituen gutxieneko zerbitzuak kudeatzen ez dituen zentroetan, hala nola Patxi Larraintzar eta Bernart Etxeparen, langile horien grebarako eskubidea urratuz.

Beste behin ere, hezkuntza-komunitatetik kanpo geratzen dira jadunaldi jarraituak eurei eta zerbitzuari zuzenenean eragiten dienean.

Adierazi dute gezrurra dirudiela hezkuntza-komunitatean sar ditzaten eskatzea baina hala da, komunitate horren barruan funtsezko zerbitzua baitira. Txikiei arreta egokia emateko borrokan jarraituko dute, lanaldi duinak, guztiondako eskola publikoa, kalitatezkoa eta inklusiboaren alde.

AZKEN ALBISTEAK | ÚLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.