ELA, LAB, ESK, STEE-EILAS, EHNE, HIRU, CNT eta CGT sindikatuok aurreneko balorazio batetan greba erantzun zabala jasotzen ari dela baiezta dezakegu. Orokorrean, industrian jarraipen zabala du, gehienbat enpresa handietan. Irakaskuntzari dagokionez, grebak atxikimendu ugari jasoko ditu, kontutan hartzen baditugu ikastetxe bakoitzeko aurreko eguneko asanbladen emaitzak. EITBn grebaren deialdiak babes oso handia jaso du, gutxieneko zerbitzuak bakarrik bete direlarik.
Bizkaiko industrian eragin handia izaten ari da greba. Eskualde ezberdinetako enpresa esanguratsuak greban daude. Adibide gisa Estampaciones Metálicas Bizkaia, CIE Udalbide, Camelot, Ormazabal, Mesa, Técnicas Hidráulicas, EGT, MFS Trapaga Sintering, Gea Ibérica, Tecnichapa eta beste batzuk itxi dute.
Cemosa, Mead, Cementos Lemona eta Arkema greban dira. Grebara gehitu dira ere Cafés Baqué, Artiach, Ekonor, Hijos de Lorenzo Sancho, Unilever…
Sektore publikoan udaletxe eta diputazioko zentroetan jarraipen zabala hasi da ematen, baita irakaskuntzan ere. Sozio-Sanitario eremuan, gutxieneko zerbitzuak baldintzatuta ere, adineko pertsonen egoitzak grebarekin bat egiten ari dira nagusiki. Garraio publikoari dagokionez, Eusko Tren edo PESAn zerbitzu minimoak bakarrik izango dira.
• GIPUZKOA
Gipzukoan greba atxekimendu handia jasotzen ari da. Herrialdeko enpresa garrantzitsuenak ateak ixten ari dira eskualde guztietan. Batez ere industria sektorean somatuko da eragina; CAF, INDAR, RODISA, NIESSEN, EZTANDA , TS Fundiciones, Angel Iglesias (Ikusi), Industrias Auxiliares, Elay Industrial, Fundiciones Wind Energy Casting, Muskgo, Cementos Rezola, Sarriopapel eta Unipapel adibide batzuk besterik ez dira Gipuzkoako industria poligonoetan ikusiko denaren seinale.
Eraikinen garbitasun publikoak gehiengo zabal batez grebarekin bat egin du. Era berean Mª Cristina eta Londres hotelak eta Berkha, Autogrill eta Olaberriako Carrefour.
Aipatu behar dugu udaletxe eta instituzio publikoetako langile gehienek grebarekin bat egingo dutela. Irakaskuntza publikoan izango duen arrakastaz aparte, itunpeko zentroetan eragin handia izango du deialdiak asanbladatan aurrez harturiko erabakien arabera. Sozio-sanitario eremuan, gehiegizko zerbitzu minimoak izanik, ia erabateko jarraipena du une honetan grebaren deialdiak.
• ARABA
Enpresa handietan (Mercedes, Michelin,….) jarraipen zabala espero da. Beretta Benelli Iberica, Wind Energy Casting Fundiciones, Alestis, CIE Gameko eta Arcelor Savatierrak ixtea erabaki dute eta Aiarako eskualdean Inausa, Jez, Talleres Gometegi eta Kider-eko langileek grebarekin bat egin dute. Era berean, Bacalaos Gaytan eta Unilever Foods greban dira.
Ugariak dira ere Arabako Udal eta ikastetxe ezberdinetako langileek grebari erakutsitako atxikimendua. Bestalde, Gasteizko eremu publikoaren lan zentroetako langileak ere bat egiten ari dira grebaren deialdiarekin (Udaletxea, Aldundia, Eusko Jaurlaritza…).
• NAFARROA
Bortzirian lanuztea ia erabatekoa da, inguruko enpresa handiek grebarekin bat egin dutelarik: Arcelor, Zalain, Funvera, Savera….
Sakanako eskualdean greba oso zabaldua dago, Magotteaux, Viscofan, Envasados Eva, Norten… Leitzan ere bertako enpresa handiena, Sarrió Pape,l geratu egin da.
Erriberan Inabonos, Ximenez y Cía gehiengoz geratu dira eta neurri txikiagoan Trenasa, SKF, KPF…
Tafallaldean Fagor Luzuriaga, Pelzer del Norte, netto Tafalla, GKN Zarrakaztelu eta abar esanguratsua den lanuztea erakusten ari dira.
Iruñerrian grebak erantzun handia izan du bertako enpresa handietan, haranola Papelera San Andres Newark edo Industrias Cárnicas de Navarra, KYBSE, Kayaba, TRW, Faurecia, Pamplonica eta abar. Zabala erantzuna ere Auxiliar Galvanotecnia, Uscal, Ziraba….
Lanuztea eragina nabarmena izaten ari da Zerbitzu Publikoetan, bereziki Hezkuntzan eta Tokiko Administrazioan. Iruña, Zizur Nagusia, Burlata, Atarrabia, Altsasu, Lesaka edo Tuterako udaletako langileek grebari atxikimendua erakusten ari dira.
2013.eko Maiatzaren 30ean
ELA-LAB-ESK-STEE-EILAS-EHNE-HIRU-CNT-CGT
{module[111]}