2024-09-20
HomeIndustriaMetalgintzaGreba mugagabeari ekin diote Correako langileek, deslokalizazio arriskuaren aurrean

Greba mugagabeari ekin diote Correako langileek, deslokalizazio arriskuaren aurrean

Nicolas Correa enpresak (Correa Anayak) Itziarko lantokiko lan-baldintzen funtsezko aldaketa bat aurrera eramatea erabaki du, langile guztiak Burgoseko lantokira bidaltzea. Erabaki honek Itziarko langile guztiei eragiten die; 58 langileri, hain zuzen ere. Kontsulta-aldia gaur hasi da, hurrengo 15 egunetan garatuko da eta azken erabakia otsailaren 7an hartuko dute.

Gure ustez, mugimendu honen atzean erabaki politiko bat dago; Burgoseko Administrazioko Kontseiluan hartutako erabaki politikoa, hain zuzen. Horren ondorioz, lantoki bat itxi, 58 lanpostu suntsitu eta ekoizpen-prozesua Euskal Herritik aterako dute.

Hori dela eta, gaurtik aurrera, enpresako langileek greba mugagabeari hasiera emango diote. Honekin batera, hainbat bilera egingo dituzte Gipuzkoako Foru Aldundiarekin eta Eusko Jaurlaritzarekin.

Hauek dira hurrengo egunetako deialdiak:

-Urtarrilak 24, 12:30ean, elkarretaratzea Donostiako Gipuzkoa plazan.
-Urtarrilak 25, 12:00etan, prentsaurrekoa Itziarko poligonoan, Nicolas Correa enpresa kanpoaldean.
-Urtarrilak 26, 12:00etan, elkarretaratzea Gasteizen, Lakuan.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.