2025-02-07
HomeEkintza SindikalaGreba Feminista Orokorraren atarian, Elizondoko nagusien egoitza publifikatzeko aldarria egi bihurtzea #LortuDugu,...

Greba Feminista Orokorraren atarian, Elizondoko nagusien egoitza publifikatzeko aldarria egi bihurtzea #LortuDugu, zerbitzuaren kudeaketa enpresa pribatuaren eskuetatik kenduta

Langileak borrokaren konstantziaren eta irmotasunaren eredu izan dira. Izan ere, 2009an Elizondoko egoitzaren pribatizazioaren kontra mobilizatu ziren, eta, orduz geroztik, zaintza lanen pribatizazioak eragindako arazoei aurre egiteko borrokan aritu dira.

2009ko pribatizaziotik aurrera, IDEA enpresarekin etengabeko talkan egon dira langile hauek, interes pribatuen aurrean langileon eta egoiliarren interesak lehenetsiz eta modu kolektiboan, Baztaneko biztanle eta eragileekin batera, bestelako zaintza eredu baten beharra exijitu eta aldarrikatu dute eskualdean.

Langileen borrokari eta udal borondateari esker, abenduaren 1etik aurrera, Elizondoko zahar egoitzako langileak enpresa publiko bateko langileak izatera pasako dira, eta IDEA enpresa zerbitzutik kanpo geratuko da, azken honek prozesu honen aurka jo izan duen arren. Modu honetan, pribatizazioari ateak itxi eta publifikazioaren etapa berriari ekingo diote langileek.

Langile hauek erakutsi digute zaintza sistemaren eredu aldaketa premiazkoa dela eta instituzioek bultzatzen duten zerbitzuen pribatizazioari aurre egitea ezinbestekoa dela. Bestelako zaintza eredu baten alde borrokatzeko eta zaintza sistema publiko bat aldarrikatzeko beharrean gaude. Borroka hau Euskal Herriko zaintza sistemaren eredu aldaketaren adibide esanguratsua da. Hortaz, Baztanen haritik tiraka, egin dezagun posible publifikazioa Euskal Herri osoan.

Zaintza lanak negozio izan ez daitezen eta denon eskubide izan daitezen, duintasunez zaintzeko eta duintasunez zainduak izateko, Greba Feminista Orokorrera goaz.

AZKEN ALBISTEAK | ÚLTIMAS NOTICIAS

LABek salatu du FCCk ez duela errespetatzen Iruñeko kale-garbitzaileen asteko 48 orduko atsedena, eta errespetarazteko eskatu dio Udalari

LAB sindikatuak Iruñeko kale garbiketaren enpresa esleipenduneko langile batek jarritako epaiketa irabazi zuen iazko irailean, astean 48 orduko atsedenerako eskubidea errespetatzeko eskatuz. Zoritxarrez, epaia auzi-jartzaileari baino ez zitzaion aplikatu, eta beraz, LABek FCCri exijitzen dio behingoz errespeta dezala Langileen Estatutuak markaturiko atsedenaldi hori, eta Iruñeko Udalari eskatzen dio, zerbitzuaren titularra den heinean, errespetarazi dezala.

Eusko Jaurlaritzaren ardura da negoziazioari uko egiten dion Confebask interpelatzea

Mobilizazioaren bidetik presioa areagotzeko prest da LAB, patronala mugiarazteko.

Mobilizaziora deitu dute Nafarroako zazpi enpresa batzordek, industriaren etorkizunaren alde

Milaka langileren egoera ziurgabea da Nafarroan, hainbat enpresek euren lanpostuak jopuntuan dituztela eta. Horren aurrean erantzun bateratua ematea erabaki dute enpresa horietako langileek, eta...