Arabako Diputatu Nagusiaren kargu hartzea gaur izango da. Azken lau urteetan gizarte zerbitzuen kalitatean egondako atzerakaden ostean, eta zerbitzu hauen pribatizazioa dela eta, LAB, CCOO eta ESK sindikatuek Foru Aldundiaren aurrean elkarrateratzea egitea adostu genuen. Helburuak azken lau urteetako ibilbidearen norabidea aldatzea eskatzea zen, eta hori gertatu ezean, aurrean izango gaituztela gogorarazteko. Baina, Ertzaintzak elkarretaratzearen debekua helarazi zigun, arrazoi bezala Diputatu Nagusiaren kargu hartzea ipiniz.

Sindikatuok adierazpen askatasunaren kontrako ekintza larritzat jotzen dugu elkarretaratzearen debeku hau,. Hori dela eta, prentsaurrekoa emango dugu gaur Gasteizko San Pedro Eliza ondoan (Siervas de Jesus kalean).

LAB, CCOO eta ESKren oharra

Gaur, uztailak 4, Aldundiko Jauregian diputatu nagusiaren kargu hartzeko batzarra ospatzen da. Prentsaurreko hau egiten ari garen sindikatuok kontzentrazio bat egiteko baimen desberdinak eskatu ditugu Arabako gizarte zerbitzuetan pairatzen dugun egoera prekarioa salatzeko, baina baimen hauek ukatu egin dizkigute hainbat alditan, nahiz eta helbide desberdinetan egiteko eskatu.

Gaurko kontzentrazioarekin salatu nahi genuena da, Arabako Foru Aldundiak gizarte zerbitzuen kudeaketaren gehiengoa esku pribatuetan uztea erabaki duela, nahiz eta EAEko Zerbitzu Sozialen legeak konpetentzia forala dela esan, Gizarte Zerbitzuen Sistema Publikoaren funtzionamendua esku pribatuetan utzita. Zerbitzu hauek, diru publikoarekin ordaintzen dira eta gestio pribatuetako enpresen eskuetan uzten dira, zeintzuk, kasu askotan, zer etekin edukiko duten bakarrik arduratzen diete eta ez eman behar duten kalitatezko zerbitzua, eta are gutxiago dituzten langileen lan eskubideak.

Azken 4 urteetako gizarte zerbitzuen hondatze egoera kezkagarria da, lan arloan zein arreta kalitatean. Laneko erritmo jasangaitzak, atentziorako behar adina denbora eza, neurriz gaineko ahaleginak, estresa, hitzezko erasoak, eraso fisikoak, erabateko eskuragarritasuna, txandaka aritu beharra, bakarka eta behar adinako baliabiderik gabe lan egin beharra,… Langileek dituzten lan baldintza kaskarrek, zerbitzuen zaintzan dagoen kalitate urrian eragin zuzena du.

Argi dugu zein den arrazoi nagusia elkarretaratzea egiteko oztopoak eta mehatxuak egiteko, EAJk eta PSEk argazki faltsu bat nahi dutelako, eta nahi duten argazkian, haien politikak eragiten dituzten errealitateak ez agertzeko, adierazpen eta manifestazio eskubideen kontrako errepresioa erabiltzea erabaki dute, isildu egin nahi gaituzte errepresioaren bidetik.

Ahaldun nagusiari mezu argi bat zabalduko diogu, ez garela isilduko, eta azken lau urteetako zerbitzu sozialean pribatizazioarekin jarraitzen badute, bere politikak arreta sozialaren kalitatea eta lan-eskubideak okertzen jarraitzen badute, aurrean izango gaituela.

Guk argi dugu gizarte desparekotasunarekin bukatzeko bide bakarra pertsonen bizitza eta duintasuna erdigunean jartzea dela, gainera, premiazkoa dela uste dugu, eta amesten dugun gizarte justu eta solidarioago baten alde borrokatzen jarraituko dugula adierazten dugu.

Ez gara isilduko!