2024-06-17
HomeIrakaskuntzaGizarte ekimeneko ikastetxeakGizarte Ekimeneko ikastetxeetako ordezkariek benetako negoziazioa exijitu diete Patronalei

Gizarte Ekimeneko ikastetxeetako ordezkariek benetako negoziazioa exijitu diete Patronalei

Ia 8 urte eta 36 Negoziazio Mahaia burutu ondoren, Kristau Eskola eta AICE-IZEA patronalek ez diete LAB, ELA, Steilas, CCOO eta UGT sindikatuon eskaerei erantzun. Edukirik gabeko negoziazioa luzatzeko estrategiaren aurrean generaman dinamika negatiboarekin amaitzeko, mahaia hautsi eta mobilizazioari ekitea beste biderik ez digute utzi sindikatuoi.

Ikastetxeen %70 itunduak eta 9.000 langile inguruk diharduten sektore honetan, oraindik ere 2008-09ko hitzarmena dugu indarrean. Ordutik hona, hezkuntza sistemaren errealitatea, erronkak, kolektibo ezberdinen egoera eta lan-zama asko aldatu diren arren lan-baldintza eta lansari taula berdinekin jarraitzen dugu.

Negoziazio saioetan, ordea, agerian geratu da patronalak ez daudela prest oinarrizko gai eta aldarrikapenen inguruan hobekuntzarik egiteko. Are gehiago, hainbat esparrutan murrizketak ere planteatu dituzte. Beren estrategia negoziazioak era mugagabean luzatzea izan da eta eztabaida fase baten ostean, inolako aldaketa eta aurrerapausorik eman gabe, beste elkarrizketa fase berri bat proposatzea. Sindikatuok, baina, egoera ezin dugula onartu uste dugu, muga guztiak gainditu direlako. Ikasturte hasieran plataforma bateratua adostu eta patronalei aurkeztu genien, negoziazioa elementu zentraletara bideratzeko asmoz. Patronalek, ordea uko egin diote oinarrizko gai hauen inguruan aurrerapausoak emateari, Administrazioarengandik jasotako finantziazioa nahikoa ez delako aitzakiarekin.

Hemen gauden sindikatuontzat, ezinbestekoa da patronalek pausuak ematea galdutako eros-ahalmenaren berreskurapenean (%12koa) , ordu osagarrien inguruko hainbat kontutan, prekarizatutako sektoreen lan baldintzen hobekuntzan, eta enpleguaren mantentzeko bidean. Patronalen blokeo jarrerak eta negoziazioa inolako edukirik gabe luzatzeko asmoak mahaitik altxa eta mobilizazioetara jotzea beste biderik ez digute uzten.

Beraz, azaroaren 29an negoziazio mahaia haustsi ondoren mobilizazio fase bati ematen diogu hasiera gaur. Horrekin patronalak sektoreko langileen lan-baldintzen hobetzeko eta hitzarmena berritzeko aurrerapausoak ematera behartu nahi ditugu..

Ildo horretatik, abenduaren 19an langileen elkarretaratzeak deitu ditugu 17:30etan, Bilbon (Indautxu Plazan, El Carmen ikastetxearen aurrean), Donostian (Kristau Eskola aurrean) eta Gasteizen (Marianistas ikastetxe aurrean).

Patronalek gure eskakizunei erantzun eta lan-baldintzak hobetzeko proposamen zehatzak mahai gainean jarri ezean, mobilizazioak areagotu beharko ditugu bigarren hiruhilabetekoan eta, beharrezkoa balitz, lanuzteak eta grebak konbokatuko genituzke.
 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.