2024-06-25
HomeIndustriaMetalgintzaSiemens-Gamesako negoziaketa mahaitik bota gaituzte, enplegua desagertzea onartzen ez dugulako

Siemens-Gamesako negoziaketa mahaitik bota gaituzte, enplegua desagertzea onartzen ez dugulako

Gaur, hilak 13, Siemens-Gamesako bigarren bilera eman da kaleratze espedientea erretiratu eta gero. Bilera honetan, aste guztian zehar egin dugun bezala, Siemens-Gamesa ez dela inor soberan defendatu dugu eta beraz, langileen irteera negoziatzea guztiz zentzurik gabeko erabakia dela defendatu dugu. Izan ere, Siemens-Gamesak Euskal Herrian dituen hainbat lantegietan langile eskasi nabarmena dagoela uste dugu.

Gaineko sindikatuak honelako planteamendu batetan sartzea akatsa dela deritzogu multinazionalaren argudioak ontzat ematen baititu. LABek UGT, CCOO ta ELAri posizio honetan oinarritutako batasuna proposatu die, zoritxarrez, ez batzuek ez besteek ez dute bat egin.

Zuzendaritzak LAB mahaitik botatzea proposatu du, UGT, CCOO eta ELAek ez dute kontrakorik esan. Ondorioz, LAB mahaitik kaleratua izan da. Beldur gara kaleratzearen helburua lekuko deserosoak erditik kentzea ez ote den.

Multinazionalaren erabakia larritzat jotze baita sindikatuen ixiltasuna ere. Baina askoz larria deritzogu UGT, CCOO eta ELAk multinazionalen posizioa onartzea, ziurrenik lanpostu suntsiketa garrantzitsua ekarriko baitu, eta hori baita azkenean multinazionalak duen helburua.
 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.