LAB eta CCOO sindikatuek Gizargiko langileen lan egoera txarra eta azken bi kaleratzeak salatu zituzten atzo Donostian. Ekainaren 1n Gipuzkoako Foru Aldundiari zuzenduko zaie 12:00etan izango den elkarretaratzean.
Gizargi enpresak zerbitzuaren kudeaketa hasi zutenetik, kolektiboaren beharrekiko sentsibilizazio falta izugarria azaldu du eta, ondorioz, langile hauen lanarekiko interes eta laguntza eza. Langileek egunerokotasunean ez dute informaziorik eta argitasunik izan, eta mehatxu burutsu eta estaliak izan dira ohiko. Egoera hori izanik, estresa, frustrazioa, ezintasuna, segurtasunik eza, beldurra, mesfidantza, urduritasuna eta haserrea sortarazteaz gain, lanerako motibazioa galera nagusitu dira Gizargiko langileen artean.
Hala, genero indarkeriaren aurka lan egiten duten langile protestak hasi dituzte, bizi duten lan egoera salatu eta eurenganako tratu txarrik ere onartzen ez dutela argi uzteko.