2024-06-25
HomeZerbitzu PribatuakSalgaien GarraioaGipuzkoako salgaien garraioko langileek lanuzte eta mobilizazio eguna dute gaur

Gipuzkoako salgaien garraioko langileek lanuzte eta mobilizazio eguna dute gaur

LAB, CCOO, UGT eta HIRU sindikatuek 4 orduko lanuztea deitua dute gaurko Gipuzkoako salgaien garraio sektorean goizeko 9:00etatik 13:00etara. Goizeko 11.00etan manifestazioa egingo da Bulebarretik abiatuta, herrialdeko lan hitzarmenaren eta sektorearen defentsan.

Aste hasieran emaniko prentsaurrekoan adierazi zuten moduan, 2009.urtetik hitzarmena berritu gabe dute sektoreko langileek, eta beraz, egun dituzten soldatak eta lan baldintzak 2009.urtekoak dira. Sindikatuek Guitrans patronalaren jarrera kritikatzen dute, "oztopatzailea" dela iritzita. Patronala uztailaren 7 noiz iritsiko zain dagoela salatzen dute, "hitzarmena bertan behera geratu eta sektorea guztiz desarautzeko."

Horregatik guztiagatik, 4 orduko lanuztea, 09.00etatik 13.00etara, egingo dute bihar sektoreko langileek Gipuzkoan. Goizeko 11.00etan manifestazioa egingo da Bulebarretik abiatuta, herrialdeko lan hitzarmenaren eta sektorearen defentsan.

 

LAB SAREAN
{module[111]}

    

AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.