2024-02-28
HomeZerbitzu PublikoakKomunikabideakM4Fk EITBko webguneko langileen erdia kaleratzeko Enplegu Erregulaziorako Espedientea aurkeztu du

M4Fk EITBko webguneko langileen erdia kaleratzeko Enplegu Erregulaziorako Espedientea aurkeztu du

EITBko zuzendaritzak murrizketak indarrean jarri ditu eitb.com-en, eta M4F enpresak Enplegu Erregulaziorako Espedientea aurkeztu du. Espedienteak 31 langileri eragiten dio. 27 langile kalera eta beste lauen lanaldia erdira murriztuko da. Guzti hau salatzeko Enpresa Batzordeak mobilizazioak iragarri ditu ekainaren 13 eta 14rako EITBko sarreran.

M4F konpainia Eusko Jaurlaritzarentzako, EITBrentzako, Bilboko Alhondegirako… multimedia edukiak egiten ditu eta aurkeztu berri duen sspedienteak 31 langileri eragingo dio: 27 langile kaleratu egingo dituzte, eta beste lau langileri lanaldia % 50 murriztuko diete. Gainera, M4F enpresako zuzendaritzak % 25era arteko soldata murrizketa planteatu du gainerako langile guztientzat.

EITBren zuzendaritza berriak eitb.com webgunearen zerbitzua lur jota utzi nahi duela salatu nahi du M4Fko enpresa-batzordeak; izan ere, azpikontratatutako enpresa honetako langile gehienek webgunearen edukiak egiten dituzte.

Bestalde, M4F konpainiako langileak EITBko egituraren baitan ez hartzea salatu nahi du enpresa-batzordeak, eguneroko zerbitzua eta aginduak zuzenean erakunde publikotik datozenean. Izan ere, 2008an Juan Diego Casalsek (VILAU auzian inputatua) M4F sortu zuen EITBko webguneari zerbitzua emateko. EITBren eta diru publikoarekin sortuz joan diren enpresen parte-hartzea (VILAU, Expressive..) zuen azpikontrata.

Maite Iturbek behin eta berriro esan du eitb.com-eko langileak 20 direla, baina inoiz ez du esaten EITBko webgunea aurrera ateratzen dela M4F ko 60 azpikontratatuei esker. Maite Iturbek uste al du EITBnet eko 20 langile horiek kapaz diren astelehenetik igandera arteko lanordutegi guztiak betetzeko? Are gehiago, 20 langile badira soilik eitb.com-en, zertarako behar dituzte 5 zuzendari?

Azkenaldian, Maite Iturbe EITBko zuzendari nagusi berriak agerraldi publikoak eta adierazpenak egin ditu komunikabideetan. Iturbek enplegu publikoa deuseztatu behar ez zutela agindu zuen, baina erakunde publikoko langile gehienak aldi batekoak edo azpikontratatuak direla azaltzea ahaztu zitzaion. Murrizketen aplikazioa berehala langile horien kontra zuzendu du Iturberen zuzendaritzak.

Murrizketa hauen aurrean M4Fko zuzendaritzak EITBk pasa zion kaleratuen zerrenda (izen abizenekin) onartu egin du. Kudeaketa trakets honen aurrean M4Fko zuzendaritzaren dimisioa eskatzen du enpresa batzordeak, Itziar Ijalba M4Fko zuzendariarengandik hasita eta bere kasuan, M4Fko administrazio kontseiluari exijitzen diogu zuzendariaren kudeaketarako gaitasuna berkontsidera dezala ardura horretan mantentzeko. Era berean EITBri exijitzen diogu aurrekontu murrizketak berraztertzeko eta neurri hori baztertzeko.

Egoera onartezina dela uste du M4Fko enpresa-batzordeak, eta langileekin adostu eta gero, MOBILIZAZIOEKIN berehala hastea erabaki du.

Lehenengo mobilizazioak ekainaren13an eta 14an burutuko dira, goizeko 8:30etatik 9:00etara eta 17:30etatik 18:00etara, EITBko sarreran (Basurtuko Capuchinos, 2). 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.