Gaur papergintza sektoreko mahai negoziatzailea elkartu da. Aurreko asteetan mahaian parte hartzen dugun sindikatuak lanean aritu gara plataformak bateratzeko saiakeran. Bilera horiek emaitzak eman dituzte eta plataforma bateratu bat osatu dugu.
LABen iritziz plataforma bateratu horretan gure aldarrikapen guztiak jasotzen dira. Balorazio positiboa egiten dugu beraz, eta gure aldarrien defentsa egiteko konpromisoa hartzen dugu aurrerantzean ere.
Gaurko bileran plataforma bateratua patronalari aurkeztu eta azaldu zaio. Patronalak, berau baloratuko duela aipatu du eta honekiko balorazioak eta beraien proposamenak hurrengo bileran tratatuko ditugu, martxoaren 15ean.