2024-04-25
HomeUncategorizedGipuzkoako Metalgintzako hitzarmenaren negoziazioa blokeo egoeran

Gipuzkoako Metalgintzako hitzarmenaren negoziazioa blokeo egoeran

Gaur, 2012ko urtarrilak 31, Gipuzkoako metalgintzako hitzarmenaren mahai negoziatzailearen bostgarren bilera izan da. Negoziazioak aurrera egin dezan, LABek zein gainontzeko sindikatuek ADEGIri bere proposamenaren bigarren artikulua kentzeko eskatu diogu, hots, enpresetako negoziazioetan gatazkak debekatzen dituen artikulua.
ADEGIk bere jarrera mantendu du eta ez du mugimendurik egin, bilera bertan behera geldituz.

Era berean, patronalak sindikatu guztiekin bakarka biltzeko nahia adierazi du. LABek bilera horretan erantzukizunez jokatuko du blokeo egoera hau gainditu eta hitzarmen duin bat lortzeko helburuarekin.

ADEGIk ere erantzunkizunez jokatzea espero dugu.

Mahai negoziatzaileraren hurrengo bilera otsailaren 22an izango da.

Donostian, 2012ko urtarrilaren 31n

AZKEN ALBISTEAK | ÚLTIMAS NOTICIAS

Euskara baztertzailetzat jo eta hizkuntzaren normalizazio prozesua kolpatzen duen enegarren epaia

Euskal administrazioa euskalduntzeko prozesuaren aurka pairatzen ari garen oldarraldiaren barruko epai berri bat ezagutu dugu. Kasu honetan, Donostiako Administrazioarekiko Auzien Epaitegiak Eibarko udaltzain lanpostu baterako euskara-eskakizuna frogatu beharretik salbuetsi ditu hautagaiak ezohiko egonkortze deialdi batean, hautagaietako batek jarritako helegitea partzialki onartuta.

Lan osasuna bermatzeko prebentzioa jorratzea premiazkoa dela aldarrikatu dugu sindikatuok

Gaur, Laneko Segurtasun eta Osasunaren Nazioarteko Egunaren bezperetan gauden honetan, LAB, ESK, STEILAS, EHNE-Etxalde, HIRU eta CGT (Nafarroan) sindikatuok osatzen dugun intersindikalak irmoki salatu dugu langileok gure osasuna jokoan ipintzen dugula, bizitza duin baterako diru sarrera nahikorik bermatzen ez duten enpleguetan.

Nafarroako Arartekoak Hezkuntzari gomendatu dio Lanbide Heziketan diharduten PTak ere “saritu” ditzala

LABek eskatuta, Patxi Verak zuzentzen duen erakundeak Hezkuntzari eskatu dio beharrezko neurriak har ditzala Lanbide Heziketako PTei ere aplikatzeko DBHra atxikita daudenek jasotzen duten soldataren %5,45eko osagarria.