2024-02-26
HomeOharrakZerbitzu PribatuakGipuzkoako Kofradien Federazioak hartutako erabakiarekin aurrean, horrek sor dezakeen aurrekari larriaz ohartarazten...

Gipuzkoako Kofradien Federazioak hartutako erabakiarekin aurrean, horrek sor dezakeen aurrekari larriaz ohartarazten du LABek

LAB sindikatuko arrantza sektoreak zera adierazi nahi du Gipuzkoako Kofradien Federazioak Hegaluze kuotaren %70 saltzearen erabakiaren aurrean:

Ez gaude inondik inora ados hartu den erabakiarekin. Erabaki honek arrantzan, elikadura eskubidean eta sektorean herri honi galera handiak ekarriko dizkiola uste dugulako.
Itsas errekurtsoak gizarte osoaren ondarea dira eta ez dugu uste zilegi denik ondare hori interes partikular eta atzerritar bati saltzea, itsas errekurtsoen kudeaketa publikoa sektorearen etorkizunerako gako modura planteatzen dugunean.

Ezin dugu onartu gure banan banako arrantzaren kuota arrantza industriala eta harrapariari saltzea.

Nola onartu Atlantiar kuota bat Mediterraneora pasatzea oraindik gogoan dugunean Portugalek Frantziari 90. hamarkadan bere arrantza kuota saldu zionekoa?

Gorago aipatu bezala onartezina da ondare publikoa eta horren onurak mundu mailako STOCK gutxitzearen arduradunei saltzea. Erabaki honek aurrekari bat sortuko du 2013ko Europar batasunaren arrantza politika zehazteko orduan ITQ (banakako kuota transferigarriak) bitartez arrantza kuotak esku pribatuetan egon daitezen.

Erabaki hau ezin da oinarritu arrantzaleari eman diezaiokeen errentagarritasunean, honek arazo hori ez baitu konpontzen estali baizik.

Erabaki honek ere gure ustez argi uzten du sektore honek “a la parte ” sistemarekin arrantzaleen bizi kalitate nahiari ez diola erantzuten, soldata finkorik ez diolako ziurtatzen.

Non gelditzen dira gure arrantza kuotaren aldeko aldarrikapenak?
Norengana joango gara aldarrikapen horiekin gure kuotak saltzen ari garenean?

Sektore eta herri honen etorkizunean sinesten dugulako, herri honen elikadura burujabetza defendatu behar delako, gizarte osoari eta batez ere herri arrantzaleei gure ezadostasunaren berri eman nahi diegu. Aurrekari oso larri bat sortuko duelako eta arrantza kuoten komertzializazioa ekarriko duelako ez gaude ados. Hau horrela bada, enpresa pribatu handiak kuota guztien jabe bihurtuko dira horrek ekarriko duen desregulazio, arrantza ontzien galera, lanpostuen eta gure portuetako ohitura arrantzaleen desagerpenarekin.

AZKEN ALBISTEAK | ĂšLTIMAS NOTICIAS

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.