Bizkaiko Aldundiko garbiketaz arduratzen den Garbialdi azpikontratako langileek elkarretaratze bat egin dute gaur Bilbon, eta hitzarmenaren negoziazioa 2012. urteaz geroztik blokeatuta dagoela salatu dute. Errege Magoek bat egin dute protestarekin.
LAB, ELA, UGT, ESK eta CCOO sindikatuok deituta, mobilizazio bat egin dugu gaur Bizkaiko Foru Aldundiaren aurrean. Hain zuzen ere, Garbialdi eta Bizkaiko Foru Aldundiko zentroak garbitzen dituzten langileen arteko hitzarmen kolektiboa blokeatuta dagoela salatu dute, eta orduz geroztik soldata izoztuta dutela: "Enpresak ez du, inondik inora, gure lan baldintzak hobetuko dituzten akordioetara heltzeko borondaterik", adierazi dute langileen ordezkariek.