2023-12-10
HomeJazarpen sindikalaFrogarik ez bada ere, fiskaltzak U27ko greban auziperaturiko 18 lagunen zigor eskaera...

Frogarik ez bada ere, fiskaltzak U27ko greban auziperaturiko 18 lagunen zigor eskaera mantentzen du

Gaur Bilboko Juztizia Jauregian, 2011ko urtarrilaren 27ko Greba orokorrean pikete informatibo batean parte hartzen ari ziren 18 lagun epaitu dituzte. Fiskaltzak 3 urteko kartzela zigorra eta 6.000 euroko isuneko eskaera egin du. Epaiketan auzipetuen aurkako frogarik aurkeztu ez bada ere, filkaltzak eutsi egin dio bere eskaerari eta orain epaiaren zain geratu dira. Auzipetuei elkartasuna adieraziz eta sindikalgintzaren kriminalizazioa salatzeko euskal sindikatuek elkarretaratzea egin dute.

Ainhoa Etxaide, LABeko idazkari nagusiak epaiketa honen helburua beldurra zabaltzea dela adierazi du, "berdurra da patronalaren aliatu nagusia bere inposaketetan eta gure eskubideen erasoan, eta honen aurrean kalera ateratzen jarraitu behar dugu" gaineratu du. 


Ainhoa Etxaide, LABeko idazkaria nagusiaren adierazpenak

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.