2024-04-16
HomeEkintza SozialaEkosozialismoaFrackingari ateak guztiz itxi behar zaizkio

Frackingari ateak guztiz itxi behar zaizkio


Albiste oso ontzat hartzen dugu Madrilgo Kongresuak haustura hidraulikoa, frackinga, legez kanpo uztea. Gaur egun, gobernuak teknika hori inolako baldintzarik gabe aplikatzea onartzen du. Estatuko erkidego batzuk dagoeneko erabaki dute aurretik teknika hau ez erabiltzea daukan arrisku mailagatik, berdin Europar Batasuneko herrialde ezberdinek, Frantziak edo Holandak adibidez.

Euskal Herrian teknika arriskutsu honek hasieratik izan du oposizio maila altua, gehiengo sozial eta sindikalak aurka agertu dira. LABek euskal erakundeei exijitzen diegu teknika hau legez kanporatu dezatela guztiz eta inolako zirrikiturik gabe, eta gure herria frackingetik libre izan dadila.

Gaur da eguna ez dakiguna teknika honen ondorio guztiak zeinek izango diren ez dakiguna, baina bai gure ingurunearentzat eta gure osasunarentzat kaltegarria dela, batez ere lurrazpiko urarengan duen eraginagatik, eta metano gasa inolako kontrolik gabe askatzen uzten duelako. Baina ez hori bakarrik, gainera ekonomikoki ez da errentagarria, horrela adierazten dute beste herrialde batzutan egindako inbertsioek.

Ez gara gelditzen eredu honi ezezkoan. Lehenik eta behin, gehiegizko energia kontsumoarekin eten beharra dugu. Energia aurreztea izan beharko litzateke hartu beharreko lehen neurria, horretarako teknika egokiak erabiliz, eta gurea bezalako jendarte industrializatua, adibide izan beharko litzateke horretan.

Bigarrenik, apostu sendoa egin beharra dugu berriztagarri, ordezkagarri eta lokalen alde, gure ustez, apostu hori energi sortzailea izango litzateke gainera. Mugikortasunari dagokionez, berau izanik erregai gehien kontsumitzen duena, lanera eta ikastera joateko, garraio publiko eta kolektiboaren alde inbertitzea da gure apustua.
 

 

 

AZKEN ALBISTEAK | ÚLTIMAS NOTICIAS

Mobilizazioekin hasi gara Aulasa enpresan, hitzarmen duin baten alde

Oletako metalgintza lantegiko beharginek duela ia urte erdi abiatu zituzten negoziazioak erabat blokeatuta dauzka enpresak.

Correos kondenatu dute langile bati kalte moralak egiteagatik #LortuDugu

Gasteizko Lan Arloko 3. zenbakiko Epaitegiak 1.500 euro ordaintzera kondenatu du Sociedad Estatal Correos y Telégrafos SA. Lehen aldiz kondenatu dute enpresa hau kalte moralengatik, langile bati ospitaleratzerik gabeko ebakuntza kirurgikoagatiko baimena ukatzeagatik.

Gautenaren Urdinduz Martxa Solidarioarekin bat egin genuen atzo, hitzarmen duinaren garrantzia nabarmenduz

Apirilaren 14an, Gautenako komunitateak Autismoaren Espektroaren Nahasmendua (TEA) kontzientziatzeko eta ikusarazteko martxa solidarioa egin zuen, Urdinduz. Jai giroan, Gautenako langileen batzordeak bat egin zuen ekimen horrekin.