2026-11-19
HomeZerbitzu PublikoakZerbitzu SoziokomunitarioaEzintasunak dituzten pertsonen Nafarroako arretako zentruak borrokan

Ezintasunak dituzten pertsonen Nafarroako arretako zentruak borrokan

Ezintasunak dituzten pertsonei Nafarroan ematen zaien arreta, zerbitzu publiko bat izan arren, sektorearen gehiengoa, kontzertuen bitartez beren onura ziurtatuta duten enpresa pribatuek kudeatzen dute. Egun, izaera honetako 13 zentru daude Nafarroan, hauetatik, bakar bat kudeatzen du Administrazioak zuzenean, hiru, zentruetako titularrekin egindako kontzertuen bitartez kudeatzen dira (Aspace eta Adacen) eta gainontzeko bederatziak, titularitate publikoa dutenak, irabazteko asmodun enpresek kudeatuak dira.

Duela pare bat aste, San Jose Zentruak (kudeaketa publikoa duen bakarra), jasan dituen murrizketen kontrako kontzentrazio bat burutu zuen,100 orduko igoera eta 3,3 lanpostuen galera salatuz. Martxoaren 8an, kudeaketa pribatua dugun zentruetako langileok, aplikatua izateko bermea jasoko duen lan hitzarmen duin baten alde bat egin genuen mobilizazio batean.

Sektoreko langileek, negoziazioak bizi duen blokeoa salatu nahi izan dute. Urte bat igaro ondoren eta 20 bilera baino gehiago egin ditugun honetan, aurrerapena txikia izan da. Enpresak ez dira beren proposamenetatik haratago joaten; bost urteko kongelazioa eskaintzen dute eta deskolgatzeko aukera bermatu nahi dute. Langileok aldiz, soldata 4 urtez izoztua izan eta gero, igoeraren bat eskatzen dugu eta lan hitzarmena beteko dutelaren bermea jaso nahi dugu.

Martxoaren 8an, larunbatarekin, Tuteran, Lizarran eta Iruñean burutu ziren asanbladek, mobilizazioan pauso bat gehiago emateko garaia dela adostu zuten; hau dela eta, geldialdiak eta greba deialdiak antolatu dituzte. Lanuzte eta greba egutegia, ondorengoa da:

Martxoak 25, 30, Apirilak 1 eta 6-an: 2 orduko lanuzteak 3 txandetan
Apirilak 8, 13, 15 eta 20-ean, 4 orduko lanuzteak 3 txandetan.
Apirilak 22, 27 eta 29-an egun osoko greba.

Maiatzak 1-etik aurrera greba mugagabea.

Mahaian gauden sindikatuok Administrazioarekin gutxieneko zerbitzuak negoziatzen hasi gara. Egun hauetan, gai honen inguruko Administrazioaren behinbetiko planteamendua publiko egingo du. Sindikatuok martxan gara jada, egun horietarako mobilizazio diseinua prestatzen.
 

 

 

AZKEN ALBISTEAK | ÚLTIMAS NOTICIAS

Arabako ardogintzaren sektorea mobilizatu egin da hitzarmenaren alde

Gaur izan da udazkeneko lehen mobilizazioa.

Anbulantzietan 1400 milioi euroko pribatizazioa geldiaraztea #LortuDugu eta zerbitzuaren publifikazio osoa exijitzen diogu EAEko Osasun Sailari

Kontratuen Inguruko Errekurtsoen Administrazio Organoak (KEAO) arrazoia eman dio sindikatuari, eta bertan behera utzi ditu bai larrialdietako anbulantzien (LGSS), bai anbulantzia ez-asistentzialen lizitazioak. Ebazpenek berretsi dute Osasun Sailak ez duela justifikatu baliabide propiorik ez izatea, eta gogorarazi dute legeak kudeaketa publiko zuzena lehenesten duela.

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.