2024-04-25
HomeEkintza SindikalaAurre-erretiro txanda: Dekretuaren luzapena negoziatu gabe, Eusko Jaurlaritzak murrizketekin eta inposaketekin agurtu...

Aurre-erretiro txanda: Dekretuaren luzapena negoziatu gabe, Eusko Jaurlaritzak murrizketekin eta inposaketekin agurtu ditu langile publikoak

Hil honetan Eusko Jaurlaritza utziko duten alderdiek euren aztarna utzi nahi dutela dirudi, eta legegintzaldian mantendu duten keinu adierazgarri berarekin agurtu nahi dituztela langile publikoak. Urtero aurre-erretiroaren zain egon izan diren eta dauden langileak gatibu hartu izan ditu, eta aurre-erretiroaren inguruan neurri partzialak inposatzen aritu da: soilik lan-legepeko langile finkoen-tzat luzatzen aritu da aukera, behin-behinekoak eta funtzionarioak eta estatutarioak bazter utzita; baita gehiengo sindikalekin adosteak suposatzen duen ariketa demokratikoari uko eginda ere: azken finean, murrizketak eta inposizioa.

Aurten bere harrokeria maila gorenera eraman du. Izan ere, greben testuinguruan azaroan eduki genuen azken Mahai Orokorraren bileran txantajeari beste buelta bat eman zion, eta gehiengo sindikalak sinatzen ez bazuen, bere dekretua ez luzatzeko mehatxua egin zuen.

Asteartean LABek Eusko Jaurlaritzaren dei bat jaso zuen nolabait «leihatilatik pasatzeko» testu itxi hori sinatzera eskatuz, negoziazio mahairik deitzeko edota proposamenik ezta-baidatzeko asmorik ez dutela argi utzita, publikoan adieraztera eman nahi dutenaren kontra. Hartu edo utzi. Hauteskundeak hurbil, bere hitza jan eta, gutxiengo batek sinatuta dekretu murritza luzatzea erabaki du, nahiz eta inoren sinaduraren beharrik ez izan, argazkirako ez bada. Edozein kasutan, argi geldituko da Jaurlaritzak langileen beharrei bizkar emanda eta negoziazio kolektiboari uko eginda amaituko duela legegintzaldia.

LABen ez dugu ez txantajerik ez inposiziorik onartuko. Jaurlaritza hau amortizatuta dago, eta osatuko den berriari Mahai Orokorra lehenbailehen deitzeko exijituko diogu, langile publikook azken urteetan eta, batez ere, azken hilabeteotan egindako grebetako eta mobilizazioetako aldarrikapenak negoziatzeko. Aldarrikapenen artean, hain zuzen, enplegua sortzea eta egonkortzea jasotzen genuen; langileon lan bizitza aurrez duintasunez amaitzea lanpostu berriekin ordezkatuz, kasurako.

LABek aipatutako aurre-erretiro txan-daren dekretuaren luzapena bezalako murrizketa eta inposizio neurriekin amaitzea exijitzen du, eta langileak mobilizatzera deitzen jarraituko du politika hauek aldatzeko.

Politikak dagoeneko aldatzen ari gara, EAJren azken hilabeteetako barne arazo eta mugimenduek adierazten duten bezala, eta alderdi guztien zerbitzu publikoekiko birkokatzen ari direla ere ikusten dugu.

Grebak eta mobilizazioak bezala, datozen hauteskunde autonomikoak ere tresna egokia dira Eusko Jaurlaritzaren politikei buelta emateko.

AZKEN ALBISTEAK | ĂšLTIMAS NOTICIAS

Euskara baztertzailetzat jo eta hizkuntzaren normalizazio prozesua kolpatzen duen enegarren epaia

Euskal administrazioa euskalduntzeko prozesuaren aurka pairatzen ari garen oldarraldiaren barruko epai berri bat ezagutu dugu. Kasu honetan, Donostiako Administrazioarekiko Auzien Epaitegiak Eibarko udaltzain lanpostu baterako euskara-eskakizuna frogatu beharretik salbuetsi ditu hautagaiak ezohiko egonkortze deialdi batean, hautagaietako batek jarritako helegitea partzialki onartuta.

Lan osasuna bermatzeko prebentzioa jorratzea premiazkoa dela aldarrikatu dugu sindikatuok

Gaur, Laneko Segurtasun eta Osasunaren Nazioarteko Egunaren bezperetan gauden honetan, LAB, ESK, STEILAS, EHNE-Etxalde, HIRU eta CGT (Nafarroan) sindikatuok osatzen dugun intersindikalak irmoki salatu dugu langileok gure osasuna jokoan ipintzen dugula, bizitza duin baterako diru sarrera nahikorik bermatzen ez duten enpleguetan.

Nafarroako Arartekoak Hezkuntzari gomendatu dio Lanbide Heziketan diharduten PTak ere “saritu” ditzala

LABek eskatuta, Patxi Verak zuzentzen duen erakundeak Hezkuntzari eskatu dio beharrezko neurriak har ditzala Lanbide Heziketako PTei ere aplikatzeko DBHra atxikita daudenek jasotzen duten soldataren %5,45eko osagarria.