Berriro ere salatu behar dugu Correosek ez duela sentsibilitaterik estatuko nazionalitate desberdinetako hizkuntzekiko. Hautapen-prozesuetan, dela behin-behineko langileen kasuan (lan-poltsak), dela posta-zerbitzuan ematen diren langile finkoen kasuan, ez da kontuan hartzen estatuko hizkuntza koofizialen ezagutza, gure kasuan, euskara. LABek behin eta berriz salatu du egoera hori, deialdien oinarriei alegazioak eginez.
Hori berez larria bada, egoera larriagotu egiten da azken prozesuetan ingelesa edo arabiera Ceutan eta Melillan bezalako hizkuntzak puntuatzen ari direnean. Horren ondorioz, egoera horren salaketa areagotu egiten dugu, eta Euskal Herriko eta beste nazionalitate batzuetako hainbat sindikatuekin batera (ELA, esk, CIG, STAS eta InterSindical Canariarekin) salaketa hau partekatzen dugu.
Correoseko presidenteari zuzendutako idatzia:
