2026-11-16
HomeUncategorizedEuskal Herriko gutun soziala eratzeko lehen batzarra Eibarren

Euskal Herriko gutun soziala eratzeko lehen batzarra Eibarren

Gaur, maiatzak 25, Euskal Herriko gutun sozialaren eraketa prozesua abian jarri da Eibarko Unibertsitatean (EHUn) ospatu den lehenengo batzarrean. Bertan Euskal Herri osotik etorritako hainbat eragile sindikal eta sozialetako 200 ordezkarik baino gehiagok parte hartu dute.

Lehenengo eta behin, gutunaren sortzearen zergatiak eztabaidatu eta sakondu dira. Abiapuntu bezala, Euskal Herrian aplikatzen ari diren politika neoliberalak goitik-behera aldatzea eta eraldaketa politiko eta soziala bultzatzea ezinbestekotzat jo dute bertaratutako eragileek.

Gutun sozialak gehiengo sozial baten mesedetan egongo den eredu berri bat definitzeko beharrezkoak diren proposamen eta alternatibak jasoko lituzke. Era berean, Euskal Herriko erakunde ezberdinak interpelatzeko tresna litzateke, ezartzen ari diren politikak alda ditzaten.

Gutunaren eraketa prozesuan ahalik eta parte-hartze sozial zabalena eta anitzena bermatu nahi da. Horretarako, Euskal Herriko herritar guztiek parte-hartzeko esparru antolatuak izan ditzaten gutunaren sortze prozesuan erabiliko den metodologia ere proposatu da asanbladan.

Gutuna osatzeko prozesua urte bukaerarte luzatuko litzateke. Ekainean gaur proposatu den metodologia onartuko litzateke. Ondoren, urriaren 5erako aurreikusitako asanbladan gutunaren lehenengo zirriborroa ontzat emanez gero, zirriborro horrekin eskualde, herri eta sektoreetan zabalduko litzateke eztabaida, eta jasotako ekarpen eta iritziekin gutuna abenduaren 14an ixtea proposatu da.

Gutuna mobilizaziorako tresna ere izango da, eta gaurko biltzarrean mobilizazioaren aldeko hautu garbia egin da. Mobilizazio sozialik gabe ez dago politiken aldaketarik. Horretarako, gutunaren eztabaida eta sortze prozesu guztian zehar mobilizazio soziala sustatzea beharrezkotzat jo da.

Bide honetan, maiatzaren 30erako deitu den greba orokorrari atxikimendua eman diote gaurko asanbladan bildutako eragileek eta herritarrei dei egin diete modu aktiboan kalera atera daitezen eskubide laboral eta sozial duinen alde eta eredu propio eta berri baten alde.

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua