2025-04-19
HomeMurrizketakEuskal Herria hondamendira daraman espainiar diktadura ekonomikoa salatzeko mobilizatzera deitu du LABek

Euskal Herria hondamendira daraman espainiar diktadura ekonomikoa salatzeko mobilizatzera deitu du LABek

LAB sindikatuaren lehen presazko balorazioa Rajoyren gobernuak aurkeztutako murrizketa multzo berriaren inguruan.

Espainiako estatuak Europako langabezia tasarik altuena duen testuinguruan, Espainiako gobernuaren buruak lobby finantzieroarekiko otzan, inposizio berriak azaldu dizkigu.

Rajoy gezurtatuz, espainiar bankuaren rekapitalizazio zuzenaren ondorioek, biztanleriaren gehiengoarentzat eskubide sozial eta laboralen galerak dakartzaten neurriak, eta gehiago ezin duten ekonomia familiarren itotze larria dakarte.

Neurriak ez dira erreforma bat gehiago, baizik eta eskubide sozial eta laboralak deuseztatuko dituen erreforma estrukturala. “Autogobernuaren” eta autonomia estatu ereduaren heriotza egiaztatzen dute. Horregatik, egoera honen konponbideak sakoneko neurriak eskatzen ditu, gure politika publikoak eta gure erabaki ahalmena defendatzeko.

Hori dela eta, LAB sindikatua berriro ere kalera aterako da, gutxiengo enpresarial eta finantziero baten eskutik doan politikaren diktadura ekonomikoari gure arbuioa adierazteko, Euskal Herria hondamendira darama bertako langile klasea bizi baldintza miserablera zigortuz. Beharrezkoa da sustraitik aldatzea politika publikoak eta geure erabakiak hartzea, Euskal Herriaren burujabetza inoiz baino beharrezkoagoa baita.

Euskal Herria, 11 de julio de 2012

AZKEN ALBISTEAK | ÚLTIMAS NOTICIAS

Enviserreko langileek greba gogortu dute, protestaren hirugarren astean

Hiriko parkeak, lorategiak eta eraztun berdea mantentzeko Gasteizko Udalaren kontrata den Enviser enpresako langileek hiru aste bete dituzte greban. Baldintza duinak jasoko dituen hitzarmen propio bat lortzea da beren helburua. Hainbat langilek Gasteizko udaletxearen aurrean pasa dute gaua, azken honen inplikazioa eskatzeko.

LABek ontzat jo du Iruñeko Udalaren eta alokairuzko bizikleten enpresaren artean sinaturiko akordioari esker langileei zor zitzaizkien soldatak ordaintzea

LAB sindikatuak duela bi aste salatu zuen Ride On Pamplona Iruñeko alokairuko bizikleta elektrikoen zerbitzuko langileak egoera larrian zeudela, sei hilabete baitzeramatzaten nominak berandu kobratzen eta, gainera, enpresak bi nomina oso zor baitzizkien. Iruñeko Udalak eta Ride On-ek gaur iragarri duten akordioaren arabera badirudi zerbitzuaren jarraipena bermatuko dutela eta enpresak berehala kitatuko dituela langileekin dituen zorrak.

LABek salatzen du milaka gutun banatu gabe daudela Gasteizen Correoseko langile faltagatik

Langilerik ez kontratatzearen ondorioz, kaosa sortu da azken hilabeteetan posta-banaketan, eta inoiz ikusi gabeko egoetara iristen ari da. Kontratazioan murrizketa hain handia da, kasu askotan ez dela inor ordezkatzen ari. Adibidez, Alde Zaharreko postariak urte erdi baino gehiago darama bajan, ordezkatu gabe.