2023-11-28
HomeEkintza PolitikoaEuskal HerriaDebaldeko Bizikleta Martxaren egitaraua

Debaldeko Bizikleta Martxaren egitaraua

1.- DEBABARRENEKO ZUTABEA
Mutrikun hasi eta Eibarren bukatu.

10.00. Mutrikutik irteera. Hasieran martxaren zergatia azalduko da. bereziki Mutrikun, Metec-Motric lantokiaren gaia salatuko dugu, guraize fabrika bezala ezagunagoa zena. 1948tik 2010 egin zuten lan mutrikuarrek eta inguruko herritarrek aipaturiko lantokian baina 2010 bukaeran ateak itxi zituen eta 80 langile kale gorrian geratu ziren.

10.00 -10:30 Mutriku- Deba. Turismoari zuzenduta eskuorri berezitu bat banatuko da.

11.00 – 11:30 Deba- Mendaro. Ospitalean eskuorriak banatuko ditugu, zerbitzu publikoen aurkako erasoaldia salatu eta sektore publikoaren aldeko hautua egiten dugula berresteko. Ordu erdiko egonaldia, 12.00ak arte.

12.00- 12:30 Mendaro- Elgoibar. Bankaren jarrera eta krisi honen sorreran eta ondorengo kudeaketan izaten ari den esku sartzea salatuko dugu. Merkatu eguna denez martxako eskuorri orokorra banatuko dugu. Elgoibartik irteera 16.30ean.

16:30- 17.00 Elgoibar- Maltzaga. Maltzagan bi zutabeak bat egin eta Eibarreraino elkarrekin joango gara.

17- 17:45 Maltzaga- Eibar. Manifestazioa 18:30etan. Eibarren arazo eta egoera orokorraz gain Alfako arazoarekin lotura egingo da eta bertako langileek hartuko dute protagonismoa. Egoera orokorra salatzeaz gain alternatiba badagoela aldarrikatuko da.


2.- DEBAGOIENEKO ZUTABEA
Eskoriatzan hasi eta Eibarren bukatu

10.00. Irteera Eskoriatzako plazatik. Hasierako mezua. Martxaren kokapena eta herriko egoeraren berri emango dugu, bereziki egoera zailean dagoen TESA enpresa aipatuko dugu.

10:00 – 10:20 Eskoriatza- Aretxabaleta. Basabe poligonotik pasa eta Arizmendi ikastetxetik ere, hezkuntzan inposatzen ari diren murrizketak salatuz.

10:45 – 11.00 Aretxabaleta- Arrasate. Eskualde mailan lau urtean eman den enplegu galera salatuko dugu. Alternatibaren beharra azpimarratu eta eredu sozioekonomiko desberdina aldarrikatu. 11:30etan irteera Arrasatetik.
Arrasateko Ospitalean esku orriak banatuko ditugu zerbitzu publikoak doakoak eta unibertsalak aldarrikatzen.

11:30 – 12.00 Arrasate – Elorregi. Elorregin nekazaritzako irakurketa egingo dugu. Lehen sektoreak bizi duen egoera larria ere azpimarratu nahi dugu.

12.00 – 12:30 Elorregi – Bergara. Irala kalean. Merkataritzaren gaia jorratuko dugu. Azken urtetan komertzio txikiaren berakada izugarria ematen ari da, hohen aldeko hautua egin beharrean gaude eta gure kontsumo ohiturak aldatzen hasi.

13.00- 13:45 Bergara- Soraluze. Soraluzeko langabezi tasa bailarako altuena da, Gipuzkoako bigarrena. Hori salatuko dugu.

16:30- 17.00 Soraluze- Maltzaga. Maltzagan bi zutabeak bat egin eta Eibarreraino elkarrekin joango gara. Maltzaga Monzonen erreferentzia historikoari erreparatuz beti izan da abertzaleentzat batasunaren ikur. Abertzaleak gara eta ezkerrekoak, horregatik goaz Eibarrera. Gainera bidai honetan aliantza estrategikoak bilatu eta lortu behar ditugu sindikatu abertzaleekin eta baita beste eragile sozial eta politikoekin, izan ere, alternatiba berri bat eraiki beharra dugu, burujabetza politikoa eta soziala abiapuntua izango duena. Euskal Herria independientea eta sozialista ekarriko duena.

17.00- 17:45 Maltzaga- Eibar. Helmuga

3.- EIBARREN MANIFESTAZIOA. Arratsaldeko 18:30etan Untzaga plazan.

AZKEN ALBISTEAK | ĂšLTIMAS NOTICIAS

Azken hilabetean Palestinako Gazan eta Cisjordanian Israeldar gobernuak eragin duen sarraskia salatu dute Bizkaiko suhiltzaileek

Basauriko Suhiltzaile talde batek sortu duen dinamikari esker, eta honi jarraipena emonez, Palestinako herriari elkartasuna erakutsi diote. Horretarako, aste honetan Artaza, Urioste eta Iurretako parkeetan kontzentrazioak egin dituzte. Sirenekin minutu bateko dolua eta elkartasuna islatu dute suhiltzaileek.

Iruñeko Udaleko Lan Kontratudunen Komiteak eskatu du Etxeko Laguntza Zerbitzua erabat munizipala izatea

Azaroaren 30ean, koordinadora feministak zaintza-eskubideen aldeko greba orokorrerako deia egin du. Grebaren aldarrikapen nagusiak hauexek dira: zaintza-sistema publiko komunitario bat lortzea eta zaintza-sektorearen lan baldintzak duintzea eta babestea, bizitzak erdigunean jarrita.

Artabiako Arneactive enpresako langileek lau orduko lanuztea eginen dute lan baldintzak hobetzearen alde

Artabiako (Nafarroa Garaia) Arneactive enpresako langileek bihar, asteazkena, azaroak 29, lau orduko lan-uztea eginen dute, 12:00etatik 16:00etara, KPIaren araberako soldata-igoerak eskatzeko, kategoria hobetzeko aukera errealak eskatzeko eta plantillaren iritzia kontuan har dezaten eskatzeko.