Bizkaiko Etxez Etxeko Laguntza Zerbitzuko langileak bigarren greba egunean murgilduta daude. Hain zuzen ere, astebeteko greba egiten ari dira, enpleguaren eta kalitatezko zerbitzuaren alde, eta egunero Prekarietatearen Aurkako Martxa izenekoa egiten ari dira. Gaur Zorrozatik abiatu dute protesta, Barakaldorantz. Bihar Sestaotik Santurtzira egingo dute martxa, 10:30ean abiatuta.