2024-06-18
HomeEtxe kaleratzeakEtxebizitza lege proposamenaren aldeko manifestazioarekin egin dugu bat

Etxebizitza lege proposamenaren aldeko manifestazioarekin egin dugu bat

Apirilaren 26an irtengo gara kalera, PAH Hipotekak Kalte Eginikoen Nafarroako Plataformak deituta. Mobilizazioa Hemingwayren monumentutik abiatuko da 19:00etan, eta Iruñeko udaletxean amaituko da. Hainbat eragilek eta sindikatuk babesa eman diogu manifestazioari.

PAH Hipotekak Kalte Eginikoen Nafarroako Plataformak prentsaurreko bat eman du gaur Iruñean, apirilaren 26ko manifestazioarekin bat egin duten eragileen babesarekin. Mobilizazioa iragartzeaz gain, Espainiako Kongresuan maiatzaren 14an aurkeztuko duten etxebizitza lege proposamenaren edukien berri eman dute: etxebizitza ordainean lagatzeko eskubidea, alokairu bermatua, etxe kaleratzerik eza, etxebizitza soziala sustatzeko neurriak eta oinarrizko baliabideak bermatzea. LABek proposamenarekin egin du bat.
 

 

 

AZKEN ALBISTEAK | ÚLTIMAS NOTICIAS

Nafarroako etxebizitzen alokairuari buruzko datuek erakusten dute premiazkoa dela gaia legez arautzea eta parke publikoa zabaltzeko konpromiso handiagoa hartzea

Iragan ortziralean Nafarroako Estatistika Institutuak Etxebizitza alokatzeari buruzko estatistika argitaratu zuen. LAB sindikatuaren iritziz, ikerketa horrek berresten du merkatuak ez duela alokairuaren prezioa behar bezala erregulatzen eta premiazkoa dela lege eta administrazio neurriak hartzea. Azterlan horren arabera, alokairuaren hileko batez bertzeko prezioa 541,6 eurokoa da, baina azterketak berak onartzen du datu horrek ez duela islatzen alokairuko etxebizitza bat eskuratzeko prezio erreala, etxebizitza librearen prezioa askoz ere garestiagoa baita.

Gernikako Ospitalean erizainen eta erizaintzako laguntzaileak falta direla eta egoera kritikoa dela salatu dugu

Larrialdietako paziente kritikoei arreta ematean, triajean eta boxetan dauden pazienteen segurtasuna arriskuan jartzen da.

Eskola garraioaren hitzarmena desblokea dezatela exijitzeko mobilizazioa egin dugu

Kolektibitateen sektoreko patronalaren enpresetako bat den Eulenen aurrean izan da elkarretaratzea, Eusko Jaurlaritzako Hezkuntza Sailaren mendeko ikastetxeetako eskola-garraioko eta jolastokiko zaintzaileen hitzarmen kolektiboaren negoziazioaren blokeoa salatzeko.