2024-02-27
HomeIrakaskuntzaHaur EskolakEnpresa komitean %68ko ordezkaritza izatea lortu du LABek

Enpresa komitean %68ko ordezkaritza izatea lortu du LABek

Haurreskolak Patzuergoan Bizkaiko eta Arabako 30 delegatuak aukeratzeko hauteskunde sindikalak egin berri dira. 1000 langile baino gehiago deituta zeuden bi lurralde hauetan bozketan parte hartzeko. Parte hartzea oso handia izan da eta izandako emaitza, nabarmentzekoa: LAB sindikatuak bere posizioa indartu egin du eta guztira 19 delegatu lortu ditu. Bizkaian eta Araban eginiko hauteskude sindikaletan nagusi izan da LAB, orotara 5 ordezkari gehiago lortuz.
BIZKAIA. 17 ordezkaritik 12 lortu ditu LABek, lehen baino 3 gehiago

Mahaia honela geratu da: 12 LAB, 4 STEE-EILAS, 1 ELA

ARABA. 13 ordezkaritk 7 lortu ditu LABek, lehen baino 2 gehiago

Mahaia honela geratu da: 7 LAB, 3 STEE-EILAS, 3 ELA

Gipuzkoan iaz burutu ziren hauteskundeak eta LABek 13 delegatu lortu zituen.

Emaitza bikain horiei esker, LAB sindikatuak Haurreskolak Partzuergoan guztira 32 delegaturen ordezkaritza dauka, enpresa komiteko % 68 hain zuzen ere.

Emaitza hauekin, sindikatu honek azken lau urtetan egindako lanaren balorazio positiboa jaso du langileen partetik. Oso lan gogorra egin da, murrizketak salatzeko, langileen lan baldintzak babesteko, lan hitzarmenaren inguruan negoziatzeko eta Haurreskolak Partzuergoak eta Eusko Jaurlaritzak zerbitzuan egin duen kudeaketa eskasa eta konpromiso falta salatzeko. Lan honek guztiak langileen babesa jaso du eta, era berean, sindikatu honek langileekiko konpromisoa berretsi egin du.

Hurrengo urteetan (orain arte bezala) LABek kalitateko zerbitzu baten aldeko apustua egingo du, horretan jarraituko dugu, Lan Hitzarmena erreformaren aurrean babesteko eta aurrera begira lan baldintzak hobetzeko. Gure helburua da 0-3 zikloan kalitatea hobetzea eta zerbitzua euskalduna, unibertsala eta doakoa izatea.

Euskal Herrian, 2012ko ekainaren 27an

AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.