Gaur, abenduak 12, EEEn aurka eta enpleguaren defentsan borrokan ari diren hainbat enpresatako langileek elkarretaratzea egingo dute Gasteizko Legebiltzarraren aurrean, Lehendakaria hautatzeko bertan egingo den osoko bilkuraren harira. Besteak beste, CAF, Corrugados Azpeitia, Cementos Lemona, Guardian Llodio, Holtza, Gamesa, Alestis, 0-10, eta Laminaciones Arreguiko enpresa batzordeek deitu dute protesta.
Beasaindik etorritako CAFeko langileak 10.30etan Mendizorrotzatik abiatuko dira Legebiltzarrerantz. 11.30-12.30etara elkarretaratzea egingo da Legebiltzar aurrean, bertan LABen izenean Eraikuntza-Kimika sektoreko arduraduna den Jabi Amorrortuk sindikatuaren egoeraren gaineko irakurketa eskaiko du.
Halaber, LAB sindikatuko Gasteizko delegatuek ere bat egingo dute protestarekin. 12.00etan Aldabe Gizarte Etxetik manifestazioan aterako dira "Kalitateko enplegua bermatzeko politika propioak orain" lelopean. Manifestazioa Legebiltzarraren aurrean amaituko da, kontzentrazioarekin bat eginez.
