Atzo, abenduak 11, CAFeko langileek batzarrean enpresak Beasaingo plantan ezarri nahi duen EREaren aurkako mobilizazioen hirugarren faseari ekitea erabaki zuten. Mobilizazio fase berri honek abenduaren 20 arte errelebo bakoitzeko 4 orduko lanuztea, gaur Gasteizko parlamentuan burutuko duten elkarretaratzea eta bihar, Beasainen egingo duten manifestazioa aurreikusten ditu.

Abenduak 20 bitarteko mobilizazioak

Abenduak 12 asteazkena, 4 orduko lanuztea errelebo bakoitzak eta CAFeko langileon elkarretaratzea Gasteizko parlamentu aurrean.
Abenduak 13 osteguna, 4 orduko lanuztea, errelebo bakoitzak eta manifestazioa Beasainera enpresatik 10.00etan aterata
Abenduak 17 astelehena , 4 orduko lanuztea errelebo bakoitzak (egun honetan asteko ekintzak eta mobilizazioa berriak zehaztuko dituzte).
Abenduak 18 asteartea , 4 orduko lanuztea errelebo bakoitzak.
Abenduak 19 asteazkena, 4 orduko lanuztea errelebo bakoitzak.
Abenduak 20 osteguna , 4 orduko lanuztea errelebo bakoitzak.