2024-02-24
HomeEkintza SindikalaEnplegu galeraren aurrean iniziatiba politikoak hartu behar direla aldarrikatu du LABek

Enplegu galeraren aurrean iniziatiba politikoak hartu behar direla aldarrikatu du LABek

Pasadan astean LAB sindikatuak enplegu eta Negoziazio kolektiboaren defentsan eta lan harreman eredu berri baten alde bi mobilizazio egun eraman zituen aurrera. Ostegunean mobilizazioak eskualdeka egin ziren eta larunbatean herrialdeko manifestazioa burutu zen Donostian. Gipuzkoako hiriburuan LABek Fagorren erorketak dakarren enplegu suntsiketaren aurrean eta konpromiso sindikalak sustatuz eta akordio sozialak lortuz iniziatiba politkoak hartzeko garaia dela aldarrikatu zuen.

Manifestazioaren aurretik, Ainhoa Etxaide LABeko idazkari nagusiak, Fagorren erorketak ekarriko duen enplegu galerarekin kezkatuta, ehun produktiboaren inguruan, gure etorkizun ekonomikoaren inguruan… eztabaidatu beharra azpimarratu zuen. Bide horretan eta Gipuzkoako Diputazioak iniziatibak hartzeko duen aukeraren aurrean, politka industrial eraginkor baten mesedetan bitarteko politikoak jar daitezela eta eztabaida ireki dadila eskatu zuen.

Etxaidek, erreforma berriak lan eremuan dakartzan aldaketak, negoziazio kolektiboaren suntsiketa barne, enplegu galera besterik ez duela ekarri argi geratu dela ohartarazi zuen eta egoera honi buelta emateko, langilegoari enplegua defendatzen jarraitzeko eta aldaketa horren aldeko protagonista bihurtzeko deia luzatu zion.

Igor Urrutikoetxea gogoan
Manifestazioaren amaieran parte hartzaileek pasadan astean gure artetik joan zitzaigun Igor Urrutikoetxea izan zuten gogoan.
 

LAB sarean
{module[111]}

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.