2025-02-15
HomeEkintza PolitikoaElkarbizitza demokratikoa eraikitzeko oztopo dira 13/13 auziaren sententzia bezalakoak

Elkarbizitza demokratikoa eraikitzeko oztopo dira 13/13 auziaren sententzia bezalakoak

Badira sententziak epaiketa hasi aurretik idatziak direnak. 13/13 auzikoa da bat. Jakin berri dugu zazpi auzipetutik lauri espetxe zigorrak ezarri dizkiela Espainiako Audientzia Nazionalak. Aspaldi artxibatua behar zukeen epaiketa egin, egin da, eta zigorra ekarri du, guztira 18 urteko espetxealdia 4 euskal herritarrentzat.

Gure elkartasuna eta babesa helarazi nahi diegu auzipetu guztiei, eta une zailotan gure sostengua, bereziki, Arantza Zulueta, Jon Enparantza, Naia Zuriarrain eta Iker Sarriegiri.

Urraketez betetako prozesua izan da: tratu txar eta eraso sexualen testigantzak entzun dizkiegu auziopetuei;  inkomunikazio aldiko tortura salaketak, etengabeko irregulartasunak, babesgabetasuna eta eskubide urraketak bizi izan dituzte, bis in idem printzipioa bera ere urratu izan zaie (honen arabera pertsona bera ezin da behin baino gehiagotan zigortu gertaera berarengatik).

Euskal presoei laguntza juridiko eta soziala emateagatik epaitu zituzten 7 euskal herritarrak. Espainiako Estatuan, oraindik, salbuespenezko espetxe politika, salbuespenezko prozedura judizial eta polizialak ematen dira. Elkarbizitza demokratikoa eraikitzeko euskal herritar guztien eskubideak bermatzea ezinbestekoa da, eta ahalegin horren aurrean benetako oztopo dira gaurkoaren moduko ebazpenak.

13/13ko auzipetuek adierazi izan duten moduan, zauriak ongi ixteko gatazkaren ondorioei heldu behar zaie, askatasunari, demokraziari. Bide horren alde mobilizatzen eta ekarpena egiten jarraitzeko konpromiso osoa adierazten dugu LAB sindikatutik. 

AZKEN ALBISTEAK | ÚLTIMAS NOTICIAS

LABek mobilizazioak egin ditu zazpi ospitaletan Osakidetzako kontratazio-zerrendak eguneratzea eskatzeko

Sindikatuak mobilizazioak egin ditu Galdakao, Urduliz, Gurutzeta, Basurto, Donostia, Txagorritxu eta Santiagoko ospitaleetan salatzeko Osakidetzako zuzendaritzak urtebete baino gehiago daramala aldi baterako kontratazio-zerrendak eguneratu gabe, egungo kontratazio-protokoloa bete gabe.

ENVISER-eko langileen mobilizazioak Gasteizko Udaleko lorezainentzako hitzarmen propioaren alde

ENVISER-eko langileek mobilizazio-dinamika bati hasiera eman zioten atzo, Gasteizko Udalaren azpikontratako lorezainentzat hitzarmen propioa aldarrikatzearen alde.

LABek ez du onartzen Ertzaintzak indarkeria matxistaren inguruko formakuntza ematea Lurraldebus-en

Gipuzkoako Mugikortasun Diputatuak Ertzaintzak Lurraldebuseko gidariak indarkeria matxistaren inguruan formakuntza emango diela iragartzearen inguruan honakoa adierazi eta salatu nahi du LABek.