Elkarretaratze bat egin dugu Elduaingo CORENSO enpresa aurrean, Gipuzkoa mailako grafikagintzako hitzarmen duin bat eskatzeko, deituko ditugun greben atarian. Joan den astean Tolosako SAM enpresaren aurrean egin genuen protesta.
Hain zuzen ere, Adegik blokeatuta du grafikagintza sektoreko negoziazio-mahaia. Honen aurrean, sektoreko langileok mobilizazioetara eta grebara joatea beste erremediorik ez dugu. Horrela, sektoreko lehen indarra den LABek lau greba deituko ditu Gipuzkoako grafikagintzan: irailaren 27an eta 29an eta urriaren 4an eta 6an.