2024-03-19
HomeZerbitzu PribatuakTelekomunikazioakEkaineko laugarren greba eguna egin dute Bilboko Udaleko 010 zerbitzuko langileek

Ekaineko laugarren greba eguna egin dute Bilboko Udaleko 010 zerbitzuko langileek

Maiatzeko lau greba egunen ostean, Bilboko Udaleko 010 zerbitzua eskaintzen duten langileek grebara jo dute ekainean ere, lan baldintzak hobetzeko exijitzeko. Hain zuzen ere, ekainean sei greba egun dituzte deituak. Ekainaren 17 eta 18an ere lanuzteak egingo dituzte. Langileek eskatzen dute opor egunak hartzeko antolakuntzan hobekuntzak izatea, soldata igoerak eta zerbitzua eskaintzeko langile bat gehiago lortzea.
 
Zortzigarren greba egunean Lanaldenek eta Bilboko Udalak ez dute gatazka konpondu nahi. Maiatzean grebak hasi zituztenetik grebalariekin ez da harremanetan jarri ez Lanalden eta ez Bilboko Udala. 010 arreta zerbitzua hobetu ahal izateko, euren lan baldintzak hobetzea besterik ez dute eskatzen langileek.

Lanalden enpresaren bidez Billboko Udalarentzat 010 arreta zerbitzuan lanean ari diren 12 lagunek maiatzean grebara joatea beste aukerarik ez zuten izan euren lan baldintzak hobetzeko aldarrikatzeko. Gaur 8. greba eguna izan dute eta ez enpresa azpikontratak (Lanalden S.A.) eta ez Bilboko Udalak ez dute erakutsi gatazka konpontzeko inongo borondaterik.

Greba abiatu baino 4 egun arinago enpresak luzatu zuen proposamena ez nahikoa izan zen langileentzat: Estatu mailako Contact Center hitzarmena erreferentzia izatea planteatzeaz gain, orain arte oporrak hartzeko sistema bertan behera utzi eta langile bat gehiago kontratatzeari ezetza eman ziolako. Orduz gero, ez da inolako negoziaketarik egon. Lanaldenek ezagutzen ditu langileen eskaerak eta baita Bilboko Udalaki; nahiz eta azken honi idatziz jakinarazi behar izan zaizkion aldarrikapenak langileekin bilera edukitzeari muzin egin ostean.

Konponbide errezeko gatazka izan arren, Udalak eta Lanaldenek konponbidearen kontra eta gatazkaren alde egin eta Bilboko hiritarrei eskaini beharreko arreta zerbitzua etetea izatea hobesten dute. Hori gutxi balitz, greba egunetan grebalarien lana ordezkatu dute: deiak Bilboko Udalera desbideratuz eta zenbait zerbitzuren kudeaketa sistema moldatuz grebaren eragina murriztua izan dadin.

010 zerbitzuko langileek (emakumeak guztiak) dei egiten diete Lanalden S.A.ri eta Bilboko Udalari euren lana kontutan izan eta lan baldintzak hobetzeko negoziazioak ekitera.

 

 

AZKEN ALBISTEAK | ÚLTIMAS NOTICIAS

Azkoitiko lan-zentroko ABEEEa bertan behera uzteko eskatu diogu Sidenorreko zuzendaritzari

Pasa den martxoaren 8an jakinarazi zigun Sidenor enpresako zuzendaritzak Azkoitiko eta Reinosako lan-zentroetan produkzio eta organizazio arrazoiengatiko Aldi Baterako Enplegu Erregulazio Espediente (ABEEE) bat martxan jartzeko asmoa zuela. Martxoaren 14an izan genuen negoziazio batzordea sortzeko eta dokumentazioa jasotzeko bilera.
00:02:19

Ezkerraldeko eta Meatzaldeko langileentzat lan eta bizi baldintza duinak aldarrikatu ditu LABek

Gaur, LABek deituta, ehunka lagunek Sestaoko kaleak hartuko dituzte, Ezkerraldeko eta Meatzaldeko langileentzat etorkizun duina aldarrikatzeko. Langileon lan eta bizi baldintzak borrokatzeko. Izan ere, bada denbora bat EAJk eta PSOEk Ezkerraldea zein Meatzaldea desindustrializatzeko estrategia martxan jarri zutela: ehun industriala suntsitu eta, trukean, zerbitzuen sektorea ezarri, logistikaren eta biltegiratzearen mesedetan.

Aliantzen, aktibazioaren eta borrokaren garaia da Bizkaiko grafikagintza sektorean

Bizkaiko grafikagintzako hitzarmenaren negoziazio mahaia lehen aldiz bildu zenetik hamar hilabete igaro dira. Maiatzaren 23tik hona 10 bilera egin ditugu, azkena atzo, martxoaren 14an, eta ezin dugu esan akordioa orduan baino gertuago dagoenik.