2024-03-02
HomeZerbitzu PublikoakKomunikabideakEITBk 30 urte. Badu aldatzeko garaia!

EITBk 30 urte. Badu aldatzeko garaia!

Gaur EITBko Administrazio Kontseilua Gasteizko parlamentura etortzekotan da zertara eta Komunikabide publikoaren 30. urteurrena ospatzera. Aurrean, hainbat LABeko delegatuk "EITBk 30 urte. Badu aldatzeko garaia! " lelopean egin dute kontzentrazioa, ez dagoela ezer ospatzerik aldarrikatzeko.
Testu hau idazteko garaian ez dugu elementu berririk topatu lehenago egindakoetatik bereiztearren, izan ere Euskal Telebistaren egoerak berdin jarraitzen du, ez du hobera egin, ez eta Taldeko irratiena ere. Soilik gehiago jaitsi ezin ziren audientzia batzuk arnas pixka bat hartu dutela. Halere, nabarmenduko ditugu egoera larriaren hainbat puntu:

Iparrik gabe jarraitzen du EITBk, langileon ekimenaz eta inertzia hutsez jarraitzen du aurrera. Aste honetan finantzazio akordioaren bidez berretsi da Jaurlaritzaren axolagabekeria, iparrik eta helbururik finkatu gabe funtzionatzen jarraitzeko asmoa alegia. Berriro ere Programa Kontratorik gabe jarraituko du, eta akordioaren arabera manipulazioan eta jendarte zati baten bazterkerian sakonduko du Patxi Lopezen gobernuak.

Kalitateko Euskal Komunikabide Publikoa izatetik urrun jarraitzen du 30 urte pasata:

• Kalitatea parametro teknologikoetara mugatzen da
• Euskal kultura eta hizkuntzak inoiz baino zokoratuago gelditzen da espektroan, digitalizazioak aukerak ere zabaldu dizkienean. Hau ez da axolagabekeria, nahita eginda dago.
• Euskal Herria komunikatzeko baino, inkomunikatzeko, desegituratzeko erabiltzen ari dira. Komunikazioa eta informazioa propagandara mugatuta dago. Euskal Herria ez da existitzen, eta atzean utzi behar dugun Espainia etengabe “kutxa tontotzailean”.
• Publikoa izatekotan herritarren zerbitzura dagoelako izango da, eta egun bakarrik elite ekonomiko eta politikoen mesedetara jarraitzen du egoten. Aukera sozioekonomiko eta politiko borrokatzaileak baztertu egiten ditu EITBk.
 

Berriro diogu, Euskal Herriak ez du zer ospatzerik 30. urteurren honetan, langileok gutxiago. Bada garaia Euskal Herriak behar duen Kalitateko Euskal Komunikabide Publikoa sortzeko.

Gasteizen, 2012ko ekainaren 26an
EITBko LAB

AZKEN ALBISTEAK | ÚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. Garbiñe Aranburu koordinatzaile orokorrak adierazi du 1976 hartan jaio berria zela sindikatua: “Hasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen du”.

Natra Oñatin aurreakordioa #LortuDugu

Natra Oñatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.