2024-05-30
HomeIrakaskuntzaSukalde eta garbitzaileakEAEko Hezkuntza Saileko sukaldari eta garbitzaileek pairatzen duten diskriminazioa salagarria da

EAEko Hezkuntza Saileko sukaldari eta garbitzaileek pairatzen duten diskriminazioa salagarria da

Akats informatiko baten ondorioz ez zaie 2016ko ekaineko aparteko paga aurreratu. Bakantedun hainbat sukaldari eta garbitzaileri gertatutako egoera honen berri izandakoan, LABek langileen eskutik jasotako informazioarekin Nomimen Zerbitzura jo du eta honek hainbat arazo ematen ari den aplikazio informatikoaren gainean jarri du ardura.

Aurreko maiatzean gertatutako Nomina Zerbitzuaren pribatizazioaren beste ondorio bat da honako hau eta gertatutako akatsak ezin dira, orain arte bezala, zerbitzu horretatik bertatik konpondu. Berriro ere, EIZU programa informatikoak emandako huts batek Sukaldari eta Garbitzaileen Langileen Kolektiboa bere aparteko pagar aurreratu gabe utzi du, 2012tik egiten zen bezala.

Huts honen konpoketak denbora bat emango du, hala ere, badirudi otsailean zehar egin diotela ordainketa honi 169 langileri “ofizioz”.

Beste behin ere prekarietate handien eta soldata txikien jasotzen duten langileak dira emandako pribatizazioen biktima, honek suposatzen duen Eusko Jaurlaritzako beste langileekiko diskriminazioarekin batera.
 

 

 

AZKEN ALBISTEAK | ĂšLTIMAS NOTICIAS

Kanakyar herriari elkartasuna adierazi diogu bertako askapen mugimenduko ordezkariekin izandako bileran

Igor Arroyo koordinatzaile orokorrak, Argitxu Dufau Ipar Euskal Herriko arduradunak eta Koldo Saenz Nazioarteko idazkariak osatutako LAB sindikatuaren ordezkaritza bat, FLNKSeko (Kanakyako Nazio Askapen Mugimendu Sozialista) ordezkaritza batekin bildu dira. Kanakyatik etorritako ordezkaritza FLNKSeko exekutiboko kide eta Kanakyako gobernuko kanpo aferen arduraduna den Mickael Forrestek eta FLNKS-eko exekutiboko kide nahiz Batasun Kaledoniarreko Komisario Orokor ondokoa den David Wanabo-k osatu dute.

Pentsio sistema publiko propioaren norabidean eginiko proposamena jendaurrean aurkeztu dugu Iruñean

LAB sindikatuaren Haritik argitalpenaren ale berrian, pentsio sistema publiko eta propio baterako gure proposamena bildu dugu, hiru zutabe nagusi dituena: zaintzagatiko pentsioa, trantsizioa bideratzeko sistema osagarri publiko, unibertsal eta birbanatzailea eratzea eta Gizarte Segurantzaren arloko eskumen osoa keskuratzea. Gaur Iruñean, proposamen hori Nafarroako zenbait eragile sozial eta politikori aurkeztu diegu, Amanda Verrone politika publikoen azterketarako arduradunaren eta LABeko bozeramaile Imanol Karreraren eskutik.

Askatasun sindikala defendatu dugu gure jarduna oztopatzeko saiakeren aurrean

11 langile baino gutxiagoko enpresa oso txikietako hauteskunde sindikalak (TPE deitzen ditugunak) 2024ko azaroaren 25etik abenduaren 9ra iraganen dira Ipar Euskal Herrian.