2024-09-20
HomeEkintza SozialaDonostiako udal gobernuak gutxien duten pertsonen kontra ezarritako neurria berehala kentzea exigitzen...

Donostiako udal gobernuak gutxien duten pertsonen kontra ezarritako neurria berehala kentzea exigitzen dugu

Onartezina da Donostian EAJ eta PSEk gutxien duten pertsonei, hau da, Diru-Sarrerak Bermatzeko Errenta (DSBE) edo Larrialdi Sozialeko Laguntzak jasotzen dituztenei udal instalazioetara sarbidea murriztea arratsaldeko 5etatik aurrera. EAJ eta PSEren udal gobernuak berriro erakusten du bere politika egiteko modua, klasista eta gutxien dutenekiko diskriminatorioa dela.

Gainera, 1965eko Arrazaren araberako Diskriminazio Forma oro Ezabatzeari buruzko Nazioarteko Konbentzioa urratzen ari dira. Honen arabera “legearen arabaerako edozein diskriminazio debekatzen da eta pertsona orori babes berdin eta efektiboa bermatzen zaio arraza, kolore, sexu, hizkuntza, erlijio, iritzi politiko edo bestelako diskriminazioren aurrean, jatorri nazional edo soziala, egoera ekonomikoa, jaiotza edo beste edozein baldintza sozial”.

Premiazkoa da donostiarrek eraso berri honen aurrean erantzun dezatela, zuzenketa publikoa eska dezagula, arduradunek neurri honek diskriminatu dituen milaka lagunei barkamena eskatzea eta berehala bazter dezatela. Onartezina da Udaletik estigmatizazio soziala eta klaseen araberako banaketa susta dezatela. “Politika zaharra”, inposizioa eta diskriminazioak ez dute gure jendartean lekurik izan behar eta eskubideen edozein urraketa dagoenean salatu behar dugu, oraingoan bezala.

Eskandalua da kolekitbo horiek diskriminatzeko asmoa izatea, DSBEra jo behar dutenak euren miseriazko soldaten erruz hilabete amaierara iritsi ezin dutelako.

EAJ eta PSE Kirol Txartela Soziala duten Donostiako 1.700 familiak mespretxatzen eta diskriminatzen ari dira. 4.000 lagun inguru, euren interesetan soilik pentsatzen duten eta herritarren zati handi batek bizi duen errealitatea izkututatu nahi duten politikoek eskubideak urratuko dizkietenak.

Diskriminazioaren alde egiten dute, Donostia klasistaren alde. Honen aurrean herritarren zerbitzura, batez ere beharrizan larrienak dituztenen zerbitzura egongo den hiriaren alde, solidarioago eta justuagoa izango den hiriaren alde egiten dugu.

Neurri diskriminatorio hau Kirol Txartela Sozialaren “hobekuntza” moduan justifikatzeko nahia, Ibabe Kiroletako Delegatuak egin duen moduan, iraina da donostiar guztiontzat, ezin dugularik horrelakorik onar. Horregatik, berehala dimititzea exijitzen dugu.
 

 

 

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.