Astebete pasa ostean, enplegu suntsiketaren kontrako Langile Plataformak egiten ari diren kanpaldiaren balorazio oso positiboa egin dute. Akanpadaren ekimena ekainaren 3an hasi zen Donosti Ospitaleko sarreran eta astebetean banatu duten manifestuak langile eta erabiltzaileen 8.000 sinadura bildu ditu.
Donostia Ospitaleko kanpaldiak astebete bete duen honetan, bertan gauden langileon Platafaormak ekimenaren balorazio positiboa egiten dugu. Alde batetik, langileek zein erabiltzaileek babesa eman diote ekimenari eta gure manifestuari atxikimendua ere erakutsi diote. Aipagarria da erabiltzaileen jarrera, eskerrak ematen dizkigute egoera salatzeagatik eta gune hau erabiltzen dute Donostiko Hospitalean osasun zerbitzuan aurkitu dituzten arazo edo gabeziak salatzeko. Akanpadaren ekimena ekainaren 3an hasi zen, Donosti Ospitaleko sarreran kokatuta dago eta astebetean 8000 sinadura bildu ditugu. Ekimen honen hasieran esan genuen bezala bertan egongo gara “peonadekin” eta enplegu suntsiketarekin jarraitzen dugun bitartean. Sinadura bilketarekin Jon Darpon Osasun sailburuari eta Jon Etxeberria Osakidetzako arduradunari eskatzen diegu kalitateko osasun zerbitzua berma dezatela eta Osakidetzan lana banatu dezatela, “peonadak” debekatuz, horrela ezagutzen baitira ordu extrak osasungintzan.
Bitartean, gerentzia ezberdinetan jardunaren luzapenaren aplikazioa negoziatzen ari dira, EHAO martxoaren 12an jardunaren luzapena argitaratu zen eta Osakidetzak, jakinarazi zuen dekretu bidez 351/2013 Maiatzaren 21ean, sindikatuen babesik gabe eta negoziazio kolektiboari muzin eginez. Dekretu hauen bidez, 2013ko jardunaldia 1610 ordutara luzatzen da, langileon jarduna luzatuz eta ondorioz, enplegua suntsituz. Honetaz gain, langileoi gure jardunaldia malgutzearen aukera zabaltzen da, 3 eguneko ordu metaketa lortzeko aukera, lan eginez eta lan zentroan sortu daitezkeen beharrak betez, hala, ordu horien ondorioz 3 eguneko baimena lortuz. Modu honetan, Osakidetzak langileak ez ditu kontratatzen eta era berean, langile finkoen jarduna malgutzen du eta langileak enpresaren beharretara ipini.
Osakidetzako langileei gonbitea egin nahi diegu, dei egiten diegu mobilizazioetan parte hartzera. Horretarako akanpadan, gosarietan….. eta antolatuko ditugun ekimenetan parte hartuz. Akanpadan parte hartzeko Donostia Ospitaleko sarrerara hurbildu besterik ez dute, bertan 24 ordutan gaude. Animo beraz!
{module[111]}