2024-06-15
HomeEkintza SozialaPolitika sozialaDiru Sarrerak Bermatzeko Errenta: ez da funtzionamendu arazoa soilik, arazo politikoa da

Diru Sarrerak Bermatzeko Errenta: ez da funtzionamendu arazoa soilik, arazo politikoa da

Beste behin ere Lanbideren funtzionamendu eskasa agerian geratu da Diru-Sarrerak Bermatzeko Errenta kudeatzeko orduan. Arartekoaren azken txostenak pertsona askoren, erakunde sozial eta sindikalen salaketak baieztatu baino ez ditu egin, Patxi Lopezen Gobernuak jarduera hau Lanbideren eskuetan jartzea erabaki ondoren: atzerapenak tramitazioan, bulegoen aurreko gauetako herritarren ilarak, ez betetze administratiboak, langileen falta,… Horri gehitu behar zaio laguntzen %7ko murrizketa eta baldintzen gogortzea balizko onuradunen kopurua mugatzeko. 

Urkulluren Gobernuak aukera izan du egoera hau zuzentzeko berriki aurkeztutako aurrekontuetan. Hala ere, oraingo kaosa gainditu beharrean, aurrekontu hauek gero eta gehiago den diru-sarrerarik gabeko jendeak behar duen babesa ahulduko dute, eta deus gutxi eginen dute arreta hobetu eta eskaeren tramiteak bizkortzeko.

Aurrekontu hauek, egoera zuzendu baino, milaka pertsonen babes falta areagotuko dute. Laguntzen %7ko murrizketa mantentzeaz gain, KPIren %2,9ko galera gehitu behar da. 322 miloi euro erabiltzea aurreikusten dute, 2012an 400 miloi euro behar izan zirenean, eta beharrak inoiz baino handiagoak direnean. Lanbideren aurrekontua %10 gutxituta, oso zaila da jendea behar bezala hartzea eta behar diren baliabide berriak eskuratzea. Enplegu Plan bat iragartzen da, baina eskeintzen duen alternatiba bakarra, enpresariei dirua ematearen truke, pobrezian iraunarazteko behin-behineko enpleguak eskeintzea da.

LAB Sindikatuak salatzen du Eusko Jaurlaritza tematua dagoela Diru-sarrerak Bermatzeko Errenta eta Enplegu Politikaren egungo eredu zaharkitu honekin —murrizketan, prekarietatean eta baliabideen eskasian oinarritzen dena— jarraitzeko. Erabat premiazkoa da norabide aldaketa. Eta Erkorekak dioen moduan, aurrekontuen partidak aztertu behar badira, AHTren dirua babes soziala eta kalitateko enpleguarentzat izan dadila.
 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.