2024-05-28
HomeIndustriaEraikuntzaDeskargako obretan lanpostuen bermea eta soldatak ordaintzea izan behar da lehentasuna

Deskargako obretan lanpostuen bermea eta soldatak ordaintzea izan behar da lehentasuna

Gaur egun eraikuntzako sektorea desregulazio eta enplegu galeran aitzindaria da. Hau dela eta, eraikuntzako edozein obra gelditu edo bukatzen denean LABen kezkatuta gaude lan munduan edukiko dituen ondorioengatik. Enpresa handietako langilak baina bereziki azpikontrata eta UTE formatuetan dauden aldi baterako langileekin kezkatuta gaude.

Eraikuntzako burbuilak estanda egin duenetik sektorea gero eta txikiagoa da eta langilea babesten duen errekonbertsio bat bideratu beharrean prekarietatea erabat hedatua dago. Prekarietate honen bidez enpresa handiek, enpresa txikiak eta langileak uztiatzen dituzte. Adibide argi bat dela AHTren obra publikoa. 

Deskargan lan zati bat egina eta ordaindua dago, eta badago indemnizazio bat. Lanpostuen bermea eta soldatak ordaintzea izan behar da iparra. Azpikontratazioa ezin da izan soldatak ez ordaintzeko aitzakia. Honen alde lan egiten dugu.

Azpikontratazioa eta hitzarmena ez betetzea da kapitalak topatu duen bidea sektorea gero eta txikiagoa egiteko. Ondorioz enpresa gero eta txikiagoak eta autonomo faltsuen hedapena. Alternatiba erregulazio, kontrola eta zigorratik pasatzen da.

LABek sektorea arautzeko dago lanean. Gaur egun hitzarmen sektoriala blokeatuta dago erreformaren kontrako klausula barik, Lan Ikuskaritzak ez du kontrol lana egiten eta baldintzak ez dira betetzen zigor barik ia inon. Beraz, lan asko dugu egiteko. Gipuzkoan onartutako eraikuntzako obra publikoetarako Arau Forala norabide egokian doa zigorren bidez lan baldintzak betetzearen ardura azpikontratzen duen enpresan kokatuz. Arau Foral hau aplikatu da orain gelditutako obran.

LABek espero du obra hau ahalik eta lasterren martxan egotea berriro. Egia da obra diseinu txarra edukitzeagatik, gelditzea hobeagoa dela langileak arriskuan jartzea baino, baina egia da ere sektore honetan dagoen prekarietateagatik ondorioak langileek ordaintzen dituztela bereziki.

 

 

 

AZKEN ALBISTEAK | ÚLTIMAS NOTICIAS

Indarkeria matxista lantokietako prebentzio planetan sartzeko eskatu dugu

Lan Osasuneko ebaluazioetan arrisku bezala identifikatu eta landua izan dadin, Osalan zein NOPLOIra eramango dugu proposamena.

CCC: 85 urteetako bilakaera zaborretara eta, ondorioz, 50 langile kalera

Urrutiko formakuntza eskaintzen duen CCC Donostia enpresan haserrea agerikoa da. Duela hiru urte, 1939an Donostian sortu eta 85 urteetan zehar Gipuzkoan errotuta egon den gure enpresa Grupo Crescendo deituriko inbertsio-funtsak xurgatu zuen. Geroztik, Donostiako lan-zentroaren hustutzea bizi izan dugu, oinarrizko sailak (ikasleari arreta, informatika, kontabilitatea, marketing-a eta arlo komertziala) Madrilera eraman baitituzte: 2020an bertan lan-zentro bat ireki zuten; hori bai, Donostiako CCC-ko lan esperientzia baliatuz eta irabaziak lortuz, hemen gauzatzen genituen gestioei esker.

Bizkaiko ostalaritzan akordioa #LortuDugu: erronda hau beraien kontu!

Soldatak desizozteaz gain, sektoreko urraketak, iruzurrak eta gehiegikeriak oztopatzen dituen akordioa lortu du LABek. Sektore gutxitan gertatzen dira honetan adina irregulartasun eta iruzur; hori dela eta, hitzarmena baldintzak erregularizatzeko tresna izan behar da, eta hori izan da bere lehentasuna negoziazio honetan.