Enkarterrik bizi duen egoera oso larria da eta egunero okerrera egiten du, langabezi tasa Euskal Herriko altuenetakoa da. Atzo, hilak 9, Zallako Cepsa gasolindegiko bi langileen kaleratzearen aurrean eta beronartzea eskatuz 200 pertsona bildu ziren gasolindegiaren aurrean.
Kaleratuek, bata LABeko eta bestea ELAko, mobilizazioak martxan jartzea erabaki dute beronartzea exijituz. Hala, atzo, hilak 9, iluntzeko 18etatik 20etara elkarretaratzea egin zuten gasolindegi aurrean eta era berean, datorren astean, astelehenean (urriak 13) eta ostegunean (urriak 16) ordu berean gasolindegi aurrean mobilizatuko dira berriro ere. Elkarretaratze hauetaz gain, bi kaleratuak egunero puntako orduetan gasolindegian izango dira enpresa buruari gogoratzeko ez dutela amore emango.