2014ko martxoaren 13an LAB sindikatuak salaketa aurkeztu zuen Bilboko Lan-Ikuskaritzan, BBK-k ez zituelako inoiz kotizatu langileak soldatarik gabeko baimenarekin zeuden epeak.
Lan-Ikuskaritzak arrazoia eman dio LABi eta Kutxabank enpresak, legea betez, BBK-ko azkenengo lau urteetako baimenei dagozkien epeak kotizatu behar ditu, sekula urratu behar ez zuen eskubide bat berrezarriz. Lehenagoko baimenei dagozkien kotizazioak beranduago erreklamatu beharko ditu langile bakoitzak, erretiroa edo langabezia eskatzen duenean.
Ikuskaritzaren jardun hau Kutxabankeko langileei zuzendu zaie, baina langile-talde gehiagok ere egoera berdina pairatzen dute, beraz epe hauek kotizatu gabe dituzten pertsonei dei egiten diegu Ikuskaritzaren aurrean salatu dezaten, dagokien eskubide bat berreskuratzeko.