Negoziazio mahaitik kanpo adostu duten aurreakordioaren arabera bi urterako izoztuko dituzte soldatak
CCOOk eta UGTk AEB banka patronalarekin lortu duten AURREAKORDIOAREN berri izan eta gero, ezagututako datuen eta horiek izango dituzten ondorio larrien inguruan LEHEN BALORAZIOA egin nahi dugu lerro hauen bidez:
2. CCOO eta UGT soldata murrizketen KONPLIZE bihurtzen dira, bankako milaka langileren eros¬-ahalmenaren galera dakarren aurreakordio hau bultzatuz.
3. Bankariek aberasten jarraitzen dute, eskandaluzko ordainsariak jasotzen; goi karguek urtero milioi ugari jasotzen duten bitartean, langileei bi urterako soldatak izoztu nahi izatea onartezina da.
4. Onartezina da, halaber, erabakia ezkutuan adostu izana, mahai negoziatzailetik kanpo, nor eta CCOO izan zenean bilerak “bertan behera” utzi nahi izan zituena. Horrekin erakutsi du CCOOk zein zen bere helburua, alegia, besteok bere asmoen berri ez izatea eta beraz, salatzeko modurik ere ez izatea, akordioa itxi arte.
5. Gero eta ageriagokoa da Euskal Herria esparru izango duen Bankako Hitzarmen baten beharra, ziur gaude marko horretan ez litzatekeela mota honetako akordiorik sinatuko eta bankako langileek geure etorkizuna erabaki ahal izango genukeela, eta ez, orain dugu bezala, patronal zeken baten eta men egiten dioten sindikatuen esku.
Aurreakordioa mahaira eramaten dutenean eta osorik ezagutzen dugunean plantilarentzat izango dituen ondorioak zehaztasunez aztertuko ditu LAB sindikatuak.