Candy Hoover Electrodomesticos enpresako zuzendaritzak Bergaran duen fabrikaren itxieraren iragarpenari erantzunez langileak mobilizatzen ari dira 160 lanposturen galera ekarriko lukeen erabakia salatu eta gelditzeko. Enpresa komitearen arabera gutxi batzuek beraien mozkinak handitzeko deslokalizazio eta prekarizazio kasu baten aurrean gaude. Guzi hau salatuz, atzo Bergarako kaleak zeharkatu zituen manifestazioa burutu zuten.
«Italian egoitza duen Candy Hoover Electrodomesticos SA ko zuzendaritzak, gaur goizean formalki adierazi du Bergaran duen fabrikaren itxiera. Honek esan nahi du 150 pertsonen kaleratzeak egin nahi dituela kaleratze kolektibo baten bidez, antolakuntza, ekonomia eta produktibitate arrazoiak argudiatuz. Hau guztia deslokalizazio eta prekarizazio kasu bat da gutxi batzuek beraien mozkinak handitzeko. Bergaran dagoen produkzioa Txinara pasa nahi da argudio nagusiak lan eskuaren kostua eta produktuaren bukaerako prezioak izanik
Mahai gainena jarri dituzten argudioak Txinako lan eskuaren prezioa Bergaran dagoena baiño merkekoa dela da. Komiteak Candy-k Bergaran produzitzen jarraitzea nahi du. Ez du axola enpresak erabakia hartura eta inongo jarraipen alternatibarik gabe etorri izana. Hau ez da 150 langileen arazoa bakarrik, Bergaran eta dagoeneko zigortuta dagoen baiara honetako arazo bat da.
Candy Hoovereko langileriak Bergarako enpleguaren alde borrokatu behar du, gure ustez Candy Hooverek bidegarritasuna eta etorkizuna du. Baina denok parte hartu behar dugu, administrazio publikoak, agente sozialak eta lagineria proiektu honen eta enpleguaren alde.
Hau horrela izanik, Bergarako eta bailarako biztanleria guztia animatzen dugu aurki egingo ditugun deialdietan parte hartzera.»
{linkr:related;keywords:candy;limit:5;title:Albiste+gehiago}