Gaur Bizkaiko Metalgintzako mahai negoziatzaileak bilera egin du. Bilera honetan, beste behin, LABek egonkortasuna eman eta langileen lan baldintzak bermatuko dituen hitzarmena lortzeko borondatea erakutsi du. LABen iniziatibari erantzunez, denok, patronalak barne, uztailak 17an egingo den hurrengo bilerarako proposamenak baloratu eta aurkezteko konpromisoa hartu dute, beti ere, negoziaketan aurreratzeko asmoarekin.

LABentzat ezinbestekoa da Metaleko Hitzarmena langile guztientzat aplikagarria izatea eta patronalak alde bakarrez hitzarmena aplikatzeari uko egin ahal ez izatea.

LAB sindikatuak ez die mobilizazioei uko egingo, horregatik bihar, uztailaren 2an, “ Patronala Lapurrak; enpleguaren defentsan hitzarmenak orain” lelopean, manifestazioak deitu ditugu EAEko hiriburu guztietan, sektore guztietan hitzarmen kolektiboaren beharra aldarrikatzeko.