2024-05-22
HomeEkintza SindikalaBizkaiko grafikagintzako enpresek sektoreko beharginen lan eta bizi baldintzak okertzen tematuta jarraitzen...

Bizkaiko grafikagintzako enpresek sektoreko beharginen lan eta bizi baldintzak okertzen tematuta jarraitzen dute

Bizkaiko grafikagintzako negoziazio-mahaiaren seigarren bilera egin dute gaur. Patronala sektoreari buruzko diskurtso oso katastrofistarekin etorri da, eta horrek ez dio mesederik egiten Negoziazio Mahaiari. Enpresen asmo bakarra da sektorearen bideragarritasunaren aitzakiapean langileen lan- eta bizi-baldintzak okertzea.

Sindikatuek ahaleginak egin dituzten arren, CEBEKek ez du inolako aurrerapenik egin nahi Hitzarmen Kolektiboaren ezein arlotan. Gaur inoiz baino argiago geratu da mahaia blokeatzeko arriskua larria dela. Patronalak nahitaezko malgutasuna ezartzen jarraitzen du, taulak KPIaren arabera eguneratzeari uko egiten dio (2011tik izoztuta daudela gogorarazi behar da), hitzarmenaren urteetarako planteatzen dituen igoerek ez dute erosteko ahalmena bermatzen, eta hitzarmenaren beste puntu batzueetan atzerapen handiak eragin nahian jarraitzen du.

LABen argi daukagu aktibazioa eta borroka dela bidea, patronalak ez baitu beste aukerarik uzten; ildo horretan, sektoreko langile guztiengana joko dugu blokeo-egoeraren eta patronalaren asmoen berri emateko. Bada, asmo horiei ahalik eta batasunik handienarekin aurre egin behar die sektoreak.

Hurrengo bilera abenduaren 14an izango da. Patronalak nahikoa denbora du bere jarrera aldatzeko, bilera hori probetxuzkoa izan dadin.

AZKEN ALBISTEAK | ÚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.