2024-06-16
HomeEkintza PolitikoaBat egiten dugu Harro Topaguneak plazaratutako aldarrikapenekin

Bat egiten dugu Harro Topaguneak plazaratutako aldarrikapenekin

LABek bat egiten du gaur goizean Harro Topaguneak Hezkuntza Akordioari begira plazaratutako aldarrikapenekin, hala nola, eskola publikoa hezkuntza sistemaren erdigunean kokatzea, kontzertazio unibertsalaren politikarekin amaitzea, segregazioa gainditzeko neurri tinko eta eraginkorrak ezartzea edota euskalduntzen ez duen hizkuntza- ereduak finantzatzeari uztea.

Hala izanda ere, Hezkuntza Akordioari dagokionez, LABek badauka bere proposamena: urtarrilaren 24an aurkeztutako Dekalogoa, non hezkuntza sistema antolatzeko proposamen integrala eta eremu laboralari loturikoak biltzen dituen. LABek Euskal Eskola Publiko Komunitarioa sortzea proposatzen du, titularitate publikoko eta hezkuntza komunitatearen parte hartzean oinarritutako hezkuntza sare bakar eta burujabea.

Norabide horretan, egungo eredu dualetik sare bakarrerako konfluentziarako proposamena egiten dugu. Eta horretarako, Harrok plazaratutako aldarrikapenez gain, bestelako eskaera batzuk ere jasotzen ditugu; hala nola, tokian tokiko hezkuntza antolaketa publikoa, non planifikazio eta eskolaratze batzorde bateratuek matrikulazioaren eta diru publikoaren kontrola egingo duten, edota diru publikoa jasotzen duten ikastetxeen titularitatean parte hartze publikoa bermatzea.

Gauzak honela, Hezkuntza Akordioari begira LABek Dekalogoan bildutako bere proposamena landuko badu ere, gaur Harro Topaguneak azaldutako aldarrikapenekin bat egiten du eta Harro Topagunean parte hartzen jarraituko du.

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.