2024-09-20
HomeNazioartea IdazkaritzaElkartasunaBabes eta elkartasun guztia adierazi nahi diegu Pontevedran greban dauden Bershkako langileei

Babes eta elkartasun guztia adierazi nahi diegu Pontevedran greban dauden Bershkako langileei

LABetik, bereziki merkataritzako langile eta Bershka-ko LABeko ordezkaritzatik, gure babes eta elkartasun guztia bidali nahi diegu Pontevedran greban dauden Bershka-ko langileei. Mundu osoko Inditex marketako langile guztien indarra eta elkartasuna berebizikoak direla deritzogu, beraien mozkinak biderkatzeko milaka langileen lan-esku merkeaz aprobetxatzen den multinazionalari aurre egiteko.

Pontevedrako kideen adibideak beste behin ere borroka kolektiboaren garrantzia erakusten digu, ez digute ezer oparitzen eta ahal badute kendu egiten digute; erreforma, legedi aldaketak… erabiliz. Beraz, berebizikoa da Inditex-eko langile bakoitzaren borroka eta konpromisoa orain arte lortutako eskubideak babesteko, zein Inditex taldeko marka guztietan lortu daitezkeen lan-baldintzak hobetzeko.

Gogora dezagun 2016an Inditex-ek 3.157 miloi irabazi zituela (irabaziak %10 igoaz) eta Amancio Ortega jauna langileen helburu fiskal susmagarria duten pagen bidez isiltasuna erosten saiatzen den arren, Inditex- eko marka ezberdinentzat egunero lan egiten dugunok, badakigu multinazional honentzat gu beraien mozkinak handitzeko tresna baino ez garela. Beraz, aldi-baterakotasuna, malgutasuna, lan-kargak, soldata baxuak… laburbilduz, prekarietatea, eguneroko gauza dira gure lan-zentroetan.

Merkataritzako langileok, sektore erabat feminizatua, ez dugu bigarren mailako langileak izaten jarraitu nahi, lan-baldintza duinak exijitzen ditugu, eros-ahalmena bermatuko digutenak, gure aisia eta atsedenerako denbora errespetatuko dituztenak, lana eta bizitza familiarra uztartzeko eskubidea emango digutenak eta gure laneko osasuna eta bizitza duinerako eskubidea bermatu.

 

 

 

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.